Saltanatty sharaǵa arnaiy qatysqan Túrkistan oblysynyń ákimi Janseiit Túimebaev, úi kezeginde turǵan azamattarǵa baspananyń kiltin tapsyrdy.
«Elbasymyz halyqty turǵyn úimen qamtamasyz etý úshin irneshe baǵdarlamalardy iske qosty. Atap aitsaq, «Nurly jol», «Nurly jer» jáne «7-20-25» baǵdarlamalary qazaqstandyqtarǵa sharapatyn tigizýde.
Oǵan búgin sizder de kýá bolyp otyrsyzdar. Mundai qýanyshtar munymen shektelmeidi. Úi kezeginde turǵan barlyq azamattar kezeń-kezeńimen baspanaly bolady», – dedi Janseiit Qanseiituly.
«Nurly jer» memlekettik baǵdarlamasy aiasynda salynǵan nysandardyń jalpy jobalyq - smetalyq quny 898 mln. 686 myń teńgeni quraidy. «Stroiservis XXI» JShS 5 qabatty ǵimarattardyń qurylys jumystaryn 2017 jyly bastaǵan. «Iýjkazproekt» JI JShS jobalaý jumystaryn atqarsa, nysandardyń tehnikalyq qadaǵalaýyna «Royal Company» JShS jaýapty.
Aita keteiik, jyl sońyna deiin 2 qabatty 5 qyzmettik úi paidalanýǵa beriledi dep kútilýde. Sondai-aq, 2019 jyly Kentaý qalasynda qosymsha 60 páterli 5 turǵyn úi el igiligine tapsyrylady. Jalpy 300 páter bolatyn jobanyń smetalyq quny 2 175 mln. teńgeni quraidy.
