Kentaý jastary esirtkige qarsy
Dóńgelek ústelge qalalyq bilim bóliminiń ádiskeri G.Ismagilova, qala ákim aparatrynyń inspektory balalardyń quqyǵy qorǵaý jónindegi komissiia hatshysy Jadyra Nysanbaeva, kámiletke tolmaǵan ister jónindegi politsiia kopitany J.Ahmetov, qalalyq emhananyń narkology A.Ismailova qatysty.
Seminar barysynda videorolik, kórinis kórsetilip birneshe suraqtar qoiyldy. Profilaktikalyq minýt, poliglot, psihologiialyq trening júrgizildi. Qoiylǵan suraqtarǵa mektep oqýshylary belsene qatysyp, videorolikterdi talqylap óz oilaryn ashyq jetkizdi.
Óz kezeginde bilikti narkolog maman A.Smailova búgingi taqyrypqa orai oqýshylarǵa keńinen maǵlumat berdi. Al qalalyq jas óspirimder bóliminiń politsiia kapitany J.Ahmetov esirtkiniń qaýiptiligi jaily túsinik berdi. Seminar sońynda qalalyq bilim bóliminiń ádiskeri G.Ismagilova seminardy qorytyndylap jasóspirimderdiń boiynda qandai adamgershilik qasietteriniń joǵary bolýyn kórsete otyryp, salaýatty ómir saltynyń joldary atap ótildi.
– «Jumyla kótergen – júk jeńil» demekshi, bul bir adamnyń qolynan keletin is emes, olai bolsa búkil qoǵam, adamzat aldynda kezek kúttirmeitin álemdik másele – esirtkige qarsy jappai kúres. Sondyqtan mektepte ár túrli igi is-sharalar ótkizip urpaq tárbieleýdi, jan-jaqty qolǵa alsaq, kóp nátijege qol jetkizýge bolady, – dep sózin aiaqtady.
Dalanews.kz
