Kenshiler qalasy Kentaý aýyl sharýashylyǵymen ainalysatyn múmkindikke ie boldy
Kentaý óndiristi qala edi. Endigi jerde aýyl sharýashylyǵy qosa damityn bolady. Túrkistan qalasynan 12 aýyldyq okrýg qosylǵan tusta halqynyń sany 200 000-ǵa jetip, 721 myń gektar jer kólemi qosyldy.
Oblys ákimdigi men oblystyq aýyl sharýashylyǵy basqarmasynyń bastamasymen birlesip aýyl sharýashylyǵy salasy boiynsha 62 joba ázirlendi. Ony Aýyl sharýashylyǵy ministrligine tapsyryp, qorǵaldy. 62 joba ishinen damytýǵa sai keletini iriktelinip alynǵan soń, «QR Agroónerkásiptik keshenin damytýdyń 2017-2021 jyldarǵa arnalǵan memlekettik baǵdarlamasy» sheńberinde qarjylai qoldaý jasalyp, sol jobalarǵa qarajat berile bastady. Osylaisha kenshiler qalasy endigi jerde oblys ortalyǵy Túrkistan qalasyn aýyl sharýashylyǵy ónimderimen tolyq qamtamasyz etetin aýyl sharýashylyǵy beldeýin qalyptastyrýǵa kúsh salýda.
Kentaýǵa qosylǵan aýyl okrýgterindegi eń negizgi problemalardyń biri egistikti aǵyn sýmen qamtamasyz etý bolyp tabylady. Kóp aýylda osy másele kóterilýde.
Budan basqa aýyldar arasynda infraqurylymdy damytý, áleýmettik nysandardyń jumys isteýi, meditsinalyq qyzmet, transport júiesi, jolaýshylar tasymaly jáne basqa da máseleler merzimine sáikes óz sheshimderin tabatyn boldy.
