Bizdiń bilik halyqtyń atynan sóileýdi qashan qoiady? Qoimaidy. Áitpese Qazaqstandy álemdegi eń damyǵan 50 eldiń qataryna qosý Astananyń ádemiligimen ǵana ólshenbesin bilse kerek edi. Iá...
Bizdiń bilik halyqtyń atynan sóileýdi qashan qoiady? Qoimaidy. Byltyr ma, áiteýir bir ýaqytta Parlament Senatynyń depýtaty Birǵanym Áitimova bylai degeni bar. «Qazaq jastary nesiege ómir súrip úirenýi kerek». Iaǵni, úi alsa da, ne alsa da nesiege kirýi tiis. Mine, osy Áitimova bir kezderi Jastar ministri boldy dep kim aitady?
Kelimbetov nege bulai dedi?
Ol, onyń ózi ádemi álemde ómir súredi, óitkeni. Tutas Qazaqstandy da óziniń ortasyna, kigen kiimine, ishken tamaǵyna qarap baǵalaidy, endeshe.
Elordanyń eńseli ǵimaratynda otyrǵan oǵan el jumaqta shomylyp júrgendei elesteitin shyǵar. Kim bilgen...
Kelimbetov nege bulai dedi?
Bulai dei otyra Qazaqstanda qoi ústine boztorǵai jumyrtqalaǵan dáýir ornady degeni ǵoi.
Redaktsiiaǵa hat keldi. Osy hat bul maqalaǵa túrtki boldy, bir jaǵynan. Gazettiń Kýrchatov qalasyndaǵy oqyrmany eken. Jas ana. Memlekettik qyzmetker eken. Búi depti:
– 32 myń teńge jalaqy alamyn. Meiramdarda alyp turatyn azyn-aýlaq syiaqymyz bar edi. Sony jaqynda qiyp tastapty. EKSPO degen kórme ótedi eken. Soǵan bailanysty únem jasasa kerek.
Qaryshtap damyp kele jatqan Qazaqstanda 30 myń teńgemen ómir súrip otyrǵandar bar. Ólmestiń kúnin keship...
Kelimbetov osylardyń ómirin kórse, keshse Qazaqstandy Singapýrge teńegen ólshemi ózgerer me eken?
Shyn Qazaqstan qandai? Kelimbetov bilmeidi ony. Bilse de, bilgisi kelmeidi. Oǵan bilgisi kelmeitin Qazaqstan qajet. Biletin álgi 30 myń alatyndar. Qyryq, elý, alpys, jetpis... júz.
Árine, Qairat Kelimbetovtyń kerisinshe sóilemesi taǵy belgili.
Singapýr korrýptsiiany tamyrymen qoparyp, birjolata julyp tastaǵan el.
«Korrýptsiiany jeńgiń kele me, endeshe dos-jaranyń men týǵan-týysyńdy túrmege toǵytýǵa daiyn bol!» deidi osy eldiń shyn mánindegi kún kósemi – Li Kýan Iu.
Bilik «eldegi ortasha jalaqy 100 myń» dep bóskende sony kóp sanaityn siiaqty. Orta Aziianyń Singapýry sanalatyn elge bul, árine, az.
Álgi otyz myń alatyndar júz myń alatyn jaǵdaiǵa jetkende, al júz myńnyń ózi eldegi eń tómengi ailyqtyń sanatynan sanalǵanda ǵana Kelimbetovtyń sózine keshirimmen qaraýǵa bolatyn shyǵar.
Árine, Qairat Kelimbetovtyń kerisinshe sóilemesi taǵy belgili.
Singapýr korrýptsiiany tamyrymen qoparyp, birjolata julyp tastaǵan el.
«Korrýptsiiany jeńgiń kele me, endeshe dos-jaranyń men týǵan-týysyńdy túrmege toǵytýǵa daiyn bol!» deidi osy eldiń shyn mánindegi kún kósemi – Li Kýan Iu.
Iu «bilik – aqsha – korrýptsiia» atty júieni besiginde tunshyqtyrǵan tulǵanyń biri.
Qazirgi Qazaqstan osy júiemen ómir súretin elderdiń biri.
Qazir she? Daǵdarys orystyń jalǵyz odaqtasy – Qazaqstandy da alqymnan ala bastady deidi. Mundaida aqyly bar el aiylyn tartar edi.
Daraqylyqtyń bir kórinisi – únemdeitin jerde únemdemei, únemdemeitin jerde únemdeidi. MýzTV-ge shashqan shyǵyn balalardyń asynan artyq emes, áitpese. EKSPO ótkizý úshin otyz myń alatyndardyń syiaqysyn qiiý ózin Singapýrmen teń sanaityn elge abyroi ápermeidi.
Shashylý – daraqylyq. Taǵy da sol Li Kýan Iýdyń tujyrymy.
Sonymen, shyn Qazaqstan qandai? Shynymen de Singapýrge uqsai ma? Kelimbetov qandai Qazaqstanda ómir súredi?...
Biz tek óz kózqarasymyzdy bildirdik. Siz qalai oilaisyz?
Dýman BYQAI
