Kelimbetov jańadan qurylǵan agenttikti basqaratyn boldy
Qairat Kelimbetov 1969 jyly Almaty qalasynda týǵan. QR Ulttyq Bankiniń Tóraǵasy bolǵan. 2012-2013 jyldary QR Premer-Ministriniń orynbasary laýazymynda makroekonomika, biýdjet saiasaty, memlekettik aktivterdi basqarý jáne qarjy sektory, salyq jáne keden saiasaty máselelerine jetekshilik etti.
Sondai-aq Qazaqstan atynan Eýraziialyq ekonomikalyq komissiia keńesiniń tóraǵasy boldy. 2011 jyly QR Ekonomikalyq damý jáne saýda ministri qyzmetin atqarǵan bolatyn.
2008-2011 jyldary Kelimbetov myrza respýblikanyń barlyq memlekettik aktivterin biriktirgen «Samuryq-Qazyna» Ulttyq ál-aýqat qoryn basqardy. Budan keiin QR Prezidenti Ákimshiliginiń basshysy, «Qazyna» turaqty damý memlekettik qorynyń basshysy, ekonomika jáne biýdjettik josparlaý ministri qyzmetterin atqarǵan.
Sondai-aq QR Prezidenti janyndaǵy Joǵary ekonomikalyq keńeste, QR Strategiialyq josparlaý agenttigin basqardy, QR Qarjy birinshi vitse-ministri boldy.
