Keles aýdanynda ornalasqan Á.Moldaǵulova atyndaǵy №3 jalpy bilim beretin mektebiniń 6-synyp oqýshysy Ádilbek Dýman keleshekte aqyldy úılerge arnalǵan Smart sarqyramanyń modelin qurastyrdy, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Smart sarqyramanyń ereksheligi – adamdarǵa bos ýaqytynda sýdyń dybysynan, tabıǵattyń kórinisinen, salqyn aýada psıhologıalyq turǵyda demalýyna jaǵdaı jasaý deıdi, - oqýshynyń ǵylymı jetekshisi Shamsıaat Altaeva.

 – Adam – tabıǵattyń ajyramas bóligi. Tabıǵat ǵylymdaryn tereń meńgergende ǵana biz ózimizdiń aınalamyzdy tolyq zerttep bilemiz. Jalpy ǵylymda «dybys tolqyndary» degen uǵym bar. Sýdyń dybysy eger shamadan tys aspasa, adam densaýlyǵyna paıdasy bar ekendigi medısınada dáleldengen. Sondyqtan shákirtim Dýmannyń, úılerge sarqyrama qoıý ıdeıasy qaı turǵydan alyp qarasaq ta tıimdi ári paıdaly bolmaq, – deıdi mektep muǵalimi.

Dýman jas kezinen izdenimpaz, talapshyl. Jas ǵalym jaqynda ǵana ótken «Zerde» oqýshylardyń ǵylymı jobalar baıqaýynyń aýdandyq kezeńinde jeńimpaz atandy.