Aýdan ákimi Aqmentai Esbaevtyń deregine qaraǵanda, qazir Keleste 3 mekteptiń qurylysy júrip jatyr. Bulardyń bireýi aldaǵy aida paidalanýǵa beriledi. Qalǵan eki mekteptiń qurylysy kelesi jyly aiaqtalýy tiis.
– Minekei, osylaisha aýdanymyzdaǵy úsh aýysymda oqytý máselesin birjolata sheshetin bolamyz, Nege deseńizder, Kelestegi týý kórsetkishi jyl saiyn artyp kele jatyr. Demek, keleshekte qazirgi bilim ordalarynyń ózi azdyq etýi múmkin. Aýdanymyzda osyndai qurylysty qajet etetin mektepterdiń sany qazirdiń ózinde 18-di qurap otyr, – deidi aýdan basshysy.
Aita ketelik Bilim kúni qarsańynda Keles aýdanynda 200 oryndyq jańa mektep paidalanýǵa berilgen bolatyn.
Oshaqty aýyldyq okrýgine qarasty Qaratal eldi mekenindegi bilim uiasynyń ashylý saltanatyna Keles aýdanynyń ákimi A.Esbaev qatysyp, barlyq ata-analar men muǵalimderdi, eń bastysy – oqýshylardy aitýly oqiǵamen quttyqtap, oqý ordasynyń lentasyn qiǵan edi.
Qurylysy 2017 jyldyń tamyz aiynda bastalǵan bilim uiasynyń qurylys jumystaryn «Lider-NK» JShS-gi júrgizip, sapaly ári sándi etip aiaqtap otyr. Mektep ǵimaraty tolyqtai zamanaýi úlgide salynyp, qajetti kerek-jaraqtarmen qamtamasyz etilgen.
TUZDYQ
Janseiit Túimebaev, Túrkistan oblysynyń ákimi:
– Saryǵash jáne Keles aýdandarynda jyldyń sońyna deiin 19 mektepke kapremont júrgizemiz. 15 mektep ashylady. Oblys boiynsha jyldyń sońyna deiin biz 40 mektep ashamyz. Keler jyly taǵy 50-60 mektep josparlap otyrmyz.
