اۋدان ەكٸمٸ اقمەنتاي ەسباەۆتىڭ دەرەگٸنە قاراعاندا, قازٸر كەلەستە 3 مەكتەپتٸڭ قۇرىلىسى جٷرٸپ جاتىر. بۇلاردىڭ بٸرەۋٸ الداعى ايدا پايدالانۋعا بەرٸلەدٸ. قالعان ەكٸ مەكتەپتٸڭ قۇرىلىسى كەلەسٸ جىلى اياقتالۋى تيٸس.
– مٸنەكەي, وسىلايشا اۋدانىمىزداعى ٷش اۋىسىمدا وقىتۋ مەسەلەسٸن بٸرجولاتا شەشەتٸن بولامىز, نەگە دەسەڭٸزدەر, كەلەستەگٸ تۋۋ كٶرسەتكٸشٸ جىل سايىن ارتىپ كەلە جاتىر. دەمەك, كەلەشەكتە قازٸرگٸ بٸلٸم وردالارىنىڭ ٶزٸ ازدىق ەتۋٸ مٷمكٸن. اۋدانىمىزدا وسىنداي قۇرىلىستى قاجەت ەتەتٸن مەكتەپتەردٸڭ سانى قازٸردٸڭ ٶزٸندە 18-دٸ قۇراپ وتىر, – دەيدٸ اۋدان باسشىسى.
ايتا كەتەلٸك بٸلٸم كٷنٸ قارساڭىندا كەلەس اۋدانىندا 200 ورىندىق جاڭا مەكتەپ پايدالانۋعا بەرٸلگەن بولاتىن.
وشاقتى اۋىلدىق وكرۋگٸنە قاراستى قاراتال ەلدٸ مەكەنٸندەگٸ بٸلٸم ۇياسىنىڭ اشىلۋ سالتاناتىنا كەلەس اۋدانىنىڭ ەكٸمٸ ا.ەسباەۆ قاتىسىپ, بارلىق اتا-انالار مەن مۇعالٸمدەردٸ, ەڭ باستىسى – وقۋشىلاردى ايتۋلى وقيعامەن قۇتتىقتاپ, وقۋ ورداسىنىڭ لەنتاسىن قيعان ەدٸ.
قۇرىلىسى 2017 جىلدىڭ تامىز ايىندا باستالعان بٸلٸم ۇياسىنىڭ قۇرىلىس جۇمىستارىن «ليدەر-نك» جشس-گٸ جٷرگٸزٸپ, ساپالى ەرٸ سەندٸ ەتٸپ اياقتاپ وتىر. مەكتەپ عيماراتى تولىقتاي زاماناۋي ٷلگٸدە سالىنىپ, قاجەتتٸ كەرەك-جاراقتارمەن قامتاماسىز ەتٸلگەن.
تۇزدىق
جانسەيٸت تٷيمەباەۆ, تٷركٸستان وبلىسىنىڭ ەكٸمٸ:
– سارىعاش جەنە كەلەس اۋداندارىندا جىلدىڭ سوڭىنا دەيٸن 19 مەكتەپكە كاپرەمونت جٷرگٸزەمٸز. 15 مەكتەپ اشىلادى. وبلىس بويىنشا جىلدىڭ سوڭىنا دەيٸن بٸز 40 مەكتەپ اشامىز. كەلەر جىلى تاعى 50-60 مەكتەپ جوسپارلاپ وتىرمىز.
