Keleste táýelsizdiktiń 30 jyldyǵyna 30 túrli taǵam ázirlendi
Túrkistan oblysy Keles aýdanynda QR Táýelsizdiginiń 30 jyldyǵyna orai, «1 mamyr Qazaqstan halqynyń birligi» kúni aiasynda ózge ult ókilderiniń qatysýymen «Bir shańyraq astynda tatýlyq pen bereke» atty ulttyq taǵamdar saiysy ótti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Taǵamdar festivalinde aýdanǵa qarasty aýyldyq okrýgterden jinalǵan 30-ǵa jýyq qatysýshy 30 qazan asyp, óz ulttarynyń ulttyq taǵamdaryn jasap, qazylar alqasynyń kóńilinen shyǵýǵa tyrysty.
Keles aýdany – kóp ultty aýdannyń biri. Uiymdastyrýshylardyń aitýynsha, sharanyń basty maqsaty – aýdandaǵy barlyq ózge ult ókilderiniń bir-birine degen senimdiligin arttyryp, dostyq qarym qatynasta bolýǵa shaqyrý. Is-shara sońynda ádil qazy alqalarynyń eseptegen sheshimi boiynsha júldeli oryndar anyqtaldy. Jeńimpazdarǵa arnaiy alǵys hat pen baǵaly syilyqtar tabystaldy.
