15 jeltoqsan kúni Keles aýdanynyń qaita kelýine arnalǵan «Kelesim – Atamekenim» atty Keles aýdanynyń Birtilek aýyldyq okrýgindegi «Saia» toihanasynda saltanatty is-shara ótti.
Qazaqstan tarihynda ózindik orny bar Keles dalasyndaǵy Keles aýdanynyń araǵa 21 jyl salyp, qaita qalpyna keltirilýine bailanysty, aýdan aqsaqaldary bastamashy bolyp, ótkizilgen «Kelesim – Atamekenim» atty mádeni merekelik jiynǵa Astanadan, Almatydan, Shymkentten, Saryaǵashtan, Maqtataraldan, Qazyǵurttan, Jetisaidan, Shardaradan qonaqtar qatysty.
Saltanatty jiynda Keles aýdanynyń ákimi Aqmentai Úsenuly Esbaev aýdan turǵyndarymen qonaqtaryn aitýly merekemen quttyqtap, aýdannyń týmasy Batys Qazaqstan oblysy ákimi Kólginov Altai Seidirulynyń quttyqtaý hatyn oqyp berdi. Shara barysynda osydan 800 jyldai buryn, bizdiń osy Keles dalasynan qonys aýdarǵan Qaiy qańlylardyń urpaǵy Kishi Aziiada Osman imperiiasyn quryp, búkil musylman álemine 600 jyl qorǵan bolǵan jerlesterimizdiń bizben zamandas urpaǵynyń ókili, qazirgi Túrik memleketindegi Keles aýdany, Keles qalasynyń meri Mehmet Tekeniń beine quttyqtaýy tyńdaldy.
Shara barysy Halyqaralyq, respýblikalyq, oblystyq aitystardyń birneshe dúrkin jeńimpazy aqyn, jerlesimiz Jarqynbek Naýshabekovtiń «Kelesim-ata mekenim» merekesine arnaý óleńin arnap, aýdandyq mádeniet úii qyzmetkerleri tarapynan qontserttik baǵdarlamaǵa ulasyty.
Keles aýdany ákiminiń baspasóz qyzmeti
