Búgin Úkimet basshysy ornyn bosatty. Osy mańyzdy oqiǵaǵa orai Dalanews.kz tilshisi belgili saiasatker, jýrnalist Ámirjan Qosanovqa habarlasty.
Onyń paiymynsha, osyndai aýys-túiis kezinde árbir yqpaldy top óz adamyn qoǵamdyq sanaǵa, qala berdi, basty sheshimdi qabyldaityn prezidenttiń nazaryna usynyp, tyqpalai bastaidy.
"Atalyp jatqan tulǵalarǵa kelsek, kimniń kelesi premer bolatynyn bizde Qudai men... prezident qana biledi.
Ókinishke qarai, diplomat Toqaevtyń óz áriptesterin, iaǵni diplomattardy ishki saiasatqa, ekonomikaǵa, aimaqtardy basqarýǵa ákelý tájiribesi oń nátije bere qoiǵan joq", - dep atap ótti saiasatker.
Ol naqty jaǵdaiǵa da toqtalyp, áleýmettik-ekonomikalyq ahýal máz emes ekenin, perspektivasy da ońyp turmaǵanyn alǵa tartty.
"Munyń syrtqy da, ishki de sebepteri bar. Otyz jyl boiyna jóndelmegen infraqurylymnyń ózi ne turady?!
Sol sebepti óz basym kelesi premer saiasi kamikadze bolady dep sanaimyn. Iaǵni, ol óziniń saiasi ambitsiiasyn ysyryp qoiyp, el ishindegi reitingin qurbandyqqa shalyp, kópshilikke jaǵa qoimaityn qiyn sheshimder qabyldaýǵa májbúr bolady. Óitpese, jaǵdai tipti ýshyǵyp ketýi múmkin. Óitkeni, osy kúnge deiin kópshilikke jaǵamyn dep, birqatar popýlistik sheshimder qabyldap, ekonomikanyń qarjylyq turaqtylyǵyna biraz ziian keltirgen edi. Endi sonyń bárin túzeý kerek", - dedi Ámirjan Qosanov.
