Ministrlik habarlaǵandai "Álippe" oqý baǵdarlamasyn bilikti tiltanýshy mamandar men tájiribeli pedagogter ázirlegen.
Sonymen qatar bul jumysqa úlken tájiribesi bar burnaǵy jyldardaǵy "Álippe" baǵdarlamasy men oqýlyqtarynyń avtorlary da atsalysqan.
Eń bastysy –
Oqý baǵdarlamasyn ázirleýde qazaq halqynyń belgili aǵartýshysy Ahmet Baitursynulynyń ádistemesi negizge alynǵan.
"Álippe" oqý baǵdarlamasynyń negizgi maqsaty – 1-shi synyp oqýshylaryn oqý men jazýǵa úiretý, aýyzsha jáne de jazbasha sóilem qurastyrýǵa daǵdylandyrý. Oqý baǵdarlamasynda áripter men dybystardyń reti, býyndaǵy dybystar men áripterdi qoldaný jiiligi, balalardyń jas erekshelikteri eskerilgen.
Súzgiden ótken oqýlyqtar 2021-2022 jańa oqý jylynda oqý protsesine enetin bolady.
"Jumys tobyndaǵy mamandarmen birlesip 20-ǵa jýyq otyrys ótkizdik. Munyń ár kezeńin ministr Aimaǵambetov jiti qadaǵalap otyrdy. Osylaisha "Álippe" oqý baǵdarlamasy bekitildi. Alaida bul alǵashqy satysy ǵana.
Oqýlyqtar ázir bolǵannan keiin taǵy qosymsha saraptama júrgiziledi. Biz óz tarapymyzdan aprobatsiia júrgiziletin bilim oryndarynyń tizimin jasadyq. Jalpy barlyq mektepterde jańa oqý jylynan bastap 1-shi synyp oqýshylary "Álippeni" oqityn bolady", – dep atap ótti Bilim jáne ǵylym vitse-ministri Sholpan Karinova.
Sondai-aq orys tilinde bilim alatyn birinshi synyp oqýshylary jańa oqý jylynan bastap alǵashqy eki toqsanda "Býkvar", al úshinshi jáne tórtinshi toqsanda "Obýchenie gramote" pánderin oqidy.
"Býkvar" oqýlyǵyn ázirleý jónindegi jumys toby da óz jumysyn aiaqtap, oqý baǵdarlamasy bekitildi. Endi bul oqýlyq boiynsha da aprobatsiia júrgiziledi.
