مينيسترلىك حابارلاعانداي "الىپپە" وقۋ باعدارلاماسىن بىلىكتى ءتىلتانۋشى ماماندار مەن تاجىريبەلى پەداگوگتەر ازىرلەگەن.
سونىمەن قاتار بۇل جۇمىسقا ۇلكەن تاجىريبەسى بار بۇرناعى جىلدارداعى "الىپپە" باعدارلاماسى مەن وقۋلىقتارىنىڭ اۆتورلارى دا اتسالىسقان.
ەڭ باستىسى –
وقۋ باعدارلاماسىن ازىرلەۋدە قازاق حالقىنىڭ بەلگىلى اعارتۋشىسى احمەت بايتۇرسىن ۇلىنىڭ ادىستەمەسى نەگىزگە الىنعان.
"الىپپە" وقۋ باعدارلاماسىنىڭ نەگىزگى ماقساتى – 1ء-شى سىنىپ وقۋشىلارىن وقۋ مەن جازۋعا ۇيرەتۋ، اۋىزشا جانە دە جازباشا سويلەم قۇراستىرۋعا داعدىلاندىرۋ. وقۋ باعدارلاماسىندا ارىپتەر مەن دىبىستاردىڭ رەتى، بۋىنداعى دىبىستار مەن ارىپتەردى قولدانۋ جيىلىگى، بالالاردىڭ جاس ەرەكشەلىكتەرى ەسكەرىلگەن.
سۇزگىدەن وتكەن وقۋلىقتار 2021-2022 جاڭا وقۋ جىلىندا وقۋ پروسەسىنە ەنەتىن بولادى.
"جۇمىس توبىنداعى ماماندارمەن بىرلەسىپ 20-عا جۋىق وتىرىس وتكىزدىك. مۇنىڭ ءار كەزەڭىن مينيستر ايماعامبەتوۆ ءجىتى قاداعالاپ وتىردى. وسىلايشا "الىپپە" وقۋ باعدارلاماسى بەكىتىلدى. الايدا بۇل العاشقى ساتىسى عانا.
وقۋلىقتار ءازىر بولعاننان كەيىن تاعى قوسىمشا ساراپتاما جۇرگىزىلەدى. ءبىز ءوز تاراپىمىزدان اپروباسيا جۇرگىزىلەتىن ءبىلىم ورىندارىنىڭ ءتىزىمىن جاسادىق. جالپى بارلىق مەكتەپتەردە جاڭا وقۋ جىلىنان باستاپ 1ء-شى سىنىپ وقۋشىلارى "الىپپەنى" وقيتىن بولادى"، – دەپ اتاپ ءوتتى ءبىلىم جانە عىلىم ۆيسە-مينيسترى شولپان كارينوۆا.
سونداي-اق ورىس تىلىندە ءبىلىم الاتىن ءبىرىنشى سىنىپ وقۋشىلارى جاڭا وقۋ جىلىنان باستاپ العاشقى ەكى توقساندا "بۋكۆار"، ال ءۇشىنشى جانە ءتورتىنشى توقساندا "وبۋچەنيە گراموتە" پاندەرىن وقيدى.
"بۋكۆار" وقۋلىعىن ازىرلەۋ جونىندەگى جۇمىس توبى دا ءوز جۇمىسىن اياقتاپ، وقۋ باعدارلاماسى بەكىتىلدى. ەندى بۇل وقۋلىق بويىنشا دا اپروباسيا جۇرگىزىلەدى.
