Telegramda derekkózder kelesi aptada ákimder arasynda aýys-túiis bolýy múmkin ekenin habarlady, - dep habarlaidy Dalanews.kz.
"Bizdiń derekkózderdiń habarlaýynsha, kelesi aptada keibir ákimder rotatsiialanady dep kútilýde. Keibir aimaq basshylary úkimetke aýysýy múmkin ekeni habarlandy", - delingen "Chemodan gossekretov" telegram arnasynda.
Eske salaiyq, aimaq basshylarynyń sailaýy - 2025 jyldaǵy basty saiasi oqiǵalardyń biri bolmaq.
Sebebi aýdan jáne oblystyq mańyzy bar qalalardyń ákimderin tikelei sailaýdy bir ýaqytta nemese kezeń-kezeńimen ótkizý josparanǵan. 2025 jyldan bastap aýdan jáne oblystyq mańyzy bar qala ákimderi de sailanady. Bul týraly qazaqstandyqtarǵa joldaýynda prezident Qasym-Jomart Toqaev aitqan bolatyn.
Byltyr (2023 jyly) kúzde alǵash ret aýdan jáne oblystyq mańyzy bar qala ákimderin sailai bastadyq. Barlyq oblysta 45 ákim jańa tásilmen sailandy. Biz sailaý nátijesin jáne sailanǵan ákimderdiń jumysyn jan-jaqty zerdeledik. Sonyń qorytyndysy boiynsha túbegeili sheshim qabyldadyq. Kelesi jyldan bastap jańa júiege birjola kóshemiz. Budan bylai aýdan jáne oblystyq mańyzy bar qalalardyń ákimderi tikelei sailaý arqyly ǵana qyzmetke keledi, - dedi Toqaev.
Aitýynsha, ákimderdiń ókilettik merzimi aiaqtalýyna qarai iaǵni, rotatsiia merzimi jetkende sailaý birtindep ótkizile beredi.
Azamattarymyzdyń sońǵy jyldardaǵy taǵy bir talaby – ákimderdi tikelei sailaý júiesin engizý. Bul talap ta oryndaldy. Aýyl ákimderin tikelei sailaý júiesi 2021 jyly engizildi. Sodan beri 2,5 myńǵa jýyq ákim sailandy. Bul – barsha aýyl ákimderiniń 90 paiyzǵa jýyǵy degen sóz. Qalǵandary ákimniń ókilettik merzimi aiaqtalǵan kezde óz retimen sailana beredi. Jańa ákimderdiń 60 paiyzy buryn memlekettik qyzmette jumys istemegen. Olardyń arasynda ártúrli kásip ieleri, túrli partiia ókilderi bar. Ortasha jasy – 46 jas. Bir sózben aitsaq, halyq ózi tańdaǵan ákimderdiń quramy edáýir jańǵyrdy, - dedi prezident joldaýynda.
