Keleshektiń kilti kásiptik-tehnikalyq bilimde
Búginde joldanǵan 8676 adamnyń 723-i turaqty jumysqa ornalasqan. Búgin Sairam aýdanynda ótken «Altyn kúz» merekesinde oblys ákimi Janseiit Túimebaev osy baǵdarlama aiasynda bilim alǵan 20 mamanǵa saltanatty túrde kýálik tabys etti.
Óńir basshysy aldymen Sairam aýdanyndaǵy kásiptik-tehnikalyq kolledj túlekteri daiyndaǵan arnaiy kórmeni aralap shyqty. Jurt nazaryn ózine aýdarǵan jobalardyń biri – kirpish quiatyn qurylǵy boldy. Kádimgi temirmen jasalǵan qondyrǵyny kolledj túlekteri ózderi oilap tapqan. Jýyrda olar osy jobasymen oblystyq baiqaýǵa qatysyp, júldegerler qatarynan kórinipti.
Al, Dinmuhammed Qonaev atyndaǵy kolledjdiń stýdentteri plastikalyq zattardyń qaldyǵyna qum men tús beretin qospa qosyp, úi aýlasyna qoldanylatyn tósenish oilap taýypty. Oblys ákimi stýdentterdiń bul jobasyna tańdanys bildirip, jastardy zamanaýi úzdik jobalardy ázirleýge yntalandyrý qajettigine toqtaldy.
«Qazirgi tańda oblysymyzdaǵy aýdan, qalalardaǵy eldimekenderde kásiptik mamandar tapshylyǵy baiqalyp otyr. Qarapaiym mysal, bir aýylǵa elektrik, slesar, dánekerleýshi, aǵash ustasy sekildi qajetti mamandyqtar jetispeidi. Tipti joq dep aitsaq ta bolady. Osyny eskere otyryp biz biyldyń ózinde 30 túrli qajetti mamandyqtar boiynsha 9 myńǵa jýyq azamatty qysqa merzimdik oqýǵa joldaǵan bolatynbyz. Jýyrda sol mamandar barlyq aýyl okrýgterine jiberilip, jumyspen qamtylatyn bolady», - dedi Janseiit Qanseiituly.
Aita keteiik, biyl oblysymyzda «Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan baǵdarlamasyn» iske asyrýǵa respýblikalyq biýdjetten 11429,8 mln. teńge bólingen bolatyn. Nátijesinde 64 myń 314 adamdy qamtý kózdelgen. 2017 jyldyń 1 qazanyna bólingen qarjynyń 6,4 mlrd. teńgesi nemese 56,1 paiyzy igerilip, 68534 baǵdarlama qatysýshysy áleýmettik qoldaý sharalarymen qamtylypty.
