Keles aýdanynda 4 shaqyrymnan asatyn kanal kúrdeli jóndeýden ótti
Sý arnasy 300 gektar kólemdegi egindi jerdi sýmen qamtamasyz etedi. Kúrdeli jóndeý júrgenge deiin sonyń 70 gektary ǵana aǵyn sýmen qamtylǵan bolatyn. Endi 300 gektar jer tolyǵymenen ainalymǵa qosylyp, igerildi.
Búginde egin sharýashylyǵyn damytýda orasan zor qyzmet kórsetýde. Kúrdeli jóndeý jumystary oblystyq aýyl sharýashylyǵy basqarmasyna qarasty «Turan Sý» KMM mekemesi tarapynan júrgizilgen.
Jalpy, Keles aýdanynda ótken jyly 92 shaqyrym bolatyn kanaldar men qashyrtqylar mehanikalyq jáne aǵymdaǵy jóndeýden ótkizildi. Biyl 50-den astam sý júieleri, uzyndyǵy 200 shaqyrymnan asatyn sý nysandarynyń smetalyq qujattary ázirlenip, mehanikalyq tazalaýǵa daiyn tur.
Onyń 90 shaqyrymy birinshi kezekte mehanikalyq tazalaýdan ótkiziletin bolady. Uzyndyǵy 25 shaqyrymnan astatyn Sańyraý jáne Igilik kanaldaryn kúrdeli jóndeý jasaý úshin saraptaýdan ótip, biyl jóndeý jumystary bastalady dep josparlanyp otyr.
