Sonymen qatar, aýdan basshysy aımaqta óndirilgen jalpy ónim kólemi aǵymdaǵy jyldyń 8 aıynda 30,9 mlrd teńgege jetkenin baıandady.
– Kirister boıynsha 2019 jyldyń 8 aıynda jergilikti búdjetke túsetin salyqtar men basqa da túsimderdiń jospary 96,8%-ǵa oryndaldy. Al osy merzimde belsendi shaǵyn jáne orta sýbektiler sany 8500 birlikke jetip, onda jumys isteıtin adamdar sany 18,1 myń adamdy qurady. Indýstrıaldy-ınnovasıalyq damý» memlekettik baǵdarlamasy sheńberinde, kásipkerlikti qoldaý kartasy aıasynda jalpy quny 327,4 mln. teńgeni quraıtyn 2 jobany 2019 jyly iske qosý josparlanǵan. 2018 jyly quny 250 mln teńge bolatyn 1 joba iske asyrylyp, 50 jumys orny ashyldy, – dedi Aqmentaı Úsenuly.
Budan ózge, aýdan boıynsha 2019 jyldyń 8 aıynda 4 mlrd. 323,1 mln teńgege 27 nysannyń qurylystary júrgizilgen: bilim salasynda – 2 nysan, tabıǵı gazben qamtýda – 1 nysan, aýyz sýmen qamtýda – 13 nysan, sapaly elektr qýatymen qamtýda – 11 nysan. Onyń ishinde 4 jańa nysannyń qurylysy paıdalanýǵa berildi.
Infraqurylym boıynsha eldi mekenderge shaqqanda Keles aýdanynda tabıǵı gazben qamtý úlesi – 65%, aýyz sýmen qamtý – 54,4% bolsa, sapaly elektr qýatymen qamtý – 65%. Saladaǵy jumystar jalǵasyn tabatyn bolady. Sondaı-aq, 2020 jylǵa qaraı 43,9 shaqyrymdy quraıtyn aýdannyń 30 ishki kóshelerin jóndeý josparlanýda.
Túrkistan oblysy Óńirlik komýnıkasıalar qyzmeti
