Keler jyldan bastap jattyqtyrýshy-oqytýshylardyń jalaqysy ósedi. Bul týraly premer-ministr Oljas Bektenovtiń Májilis depýtattarynyń saýalyna bergen resmi jaýabynda aitylǵan, dep habarlaidy Dalanews.kz Aikyn.kz-ke siltep.
Balalar men jasóspirimder sport mektepterinde eńbek etetin jattyqtyrýshy-oqytýshylarǵa biliktilik sheberligi úshin laýazymdyq jalaqysynyń 30%-y mólsherinde qosymsha aqy tóleý josparlanyp otyr.
"Bul maqsatta 2025–2028 jyldarǵa arnalǵan respýblikalyq biýdjet jobasynda 1,8 milliard teńge qarastyrylǵan. Qazir Úkimettiń tiisti qaýlysyna tolyqtyrýlar ázirlenip, kelisý protsesinen ótip jatyr", – dedi Bektenov.
Sonymen qatar, qoldanystaǵy zańnama aiasynda respýblikalyq mańyzy bar qalalar men oblystyq ákimdikter jergilikti biýdjet esebinen sport salasy qyzmetkerlerine ústemeaqy taǵaiyndaýǵa, al aýyldyq jerlerde jumys isteitin mamandarǵa laýazymdyq jalaqysynyń keminde 25%-y kóleminde qosymsha aqy tóleýge quqyly.
