Jumysshy mamandyqtar jylyna arnalǵan festivalde ǵarysh salasyn QR Tsifrlyq damý, innovatsiialar jáne aeroǵarysh ónerkásibi ministrligi Aerokosmikalyq komitetiniń quramyndaǵy «Respýblikalyq ǵaryshtyq bailanysy ortalyǵy» (RǴBO) AQ kelýshilerdi «Ǵarysh úiimen» tanystyrdy,- dep habarlaidy Dalanews.kz
RǴBO injenerleri ǵarysh pavilony kelýshilerine «Kazsat-3» spýtniginiń maketin kórsetip, ǵaryshtyq bailanys pen habar taratý júiesiniń jumysy týraly aityp berdi.
Qazaqstannyń alǵashqy ulttyq ǵaryshtyq bailanys jáne habar taratý júiesi «Kazsat-2» men «Kazsat-3» spýtnikterinen turady, olardyń basqarýy Aqmola oblysyndaǵy «Aqkól» ǵarysh bailanysy ortalyǵy men Almaty oblysyndaǵy rezervtik «Kókterek» ǵarysh bailanysy ortalyǵynan júzege asyrylady.
«Kazsat-2» jáne «Kazsat-3» ǵaryshtyq apparattary geostatsionarlyq orbitada, shamamen 40 myń kilometr biiktikte jumys istei otyryp, elimizdiń habar taratý, bailanys jáne keńjolaqty internetke qoljetimdilik qyzmetteriniń 100%-yn qamtamasyz etedi», - dedi kelýshilerge Aqkol ǵarysh bailanysy basqarý ortalyǵynyń (ǴBO) injeneri Alisher Sadykbaev.
Spýtnikterdiń ǵaryshta qalai ushatyny, jer betinde ǵaryshtan signaldy qalai alýǵa bolatyny, RǴBO-na jumysqa qalai kirýge bolatyny jáne buǵan qandai bilim qajet ekendigi týraly suraqtar ǵarysh pavilonynyń negizgi kelýshileri - stýdentter men mektep oqýshylary arasynda qyzyǵýshylyq týdyrdy.
Búgingi kúnge deiin «RǴBO» AQ Kazkosmostyń tabysty kásiporyndarynyń biri bolyp tabylady, ol 20 jyl boiy «Kazsat» ǵaryshtyq bailanys jáne habar taratý júiesin sátti paidalanyp keledi.
«Kazsat» seriiasyndaǵy ǵaryshtyq apparattardyń resýrstary Qazaqstan Respýblikasynda tiimdi jáne senimdi spýtniktik bailanys arnalarynyń iske asyrylýyna múmkindik berdi.
«KazSat» seriiasyndaǵy ǵaryshtyq apparattar Qazaqstannyń telekommýnikatsiia operatorlaryna, ulttyq kompaniialar men holdingterge, memlekettik organdar men jekemenshik kompaniialarǵa tsifrlyq teleradio habar taratý (HD, DTH, IPTV), keńjolaqty internetke qoljetimdilik, derekterdi tasymaldaý jáne ártúrli topologiiadaǵy korporativtik spýtniktik bailanys jelilerin uiymdastyrýda úlken múmkindikter beredi.
Qazaqstan aýmaǵynda ǵaryshtan signal qabyldaityn 16 myńnan astam jer stantsiialary ornalasqan. «RǴBO» AQ qyzmetterin Qazaqstan men kórshiles elderdiń 20 telekommýnikatsiia operatory paidalanady.
«Kazsat» ǵaryshtyq júiesi — bul tek ǵaryshtyq bailanys qyzmetterin tolyqtai usynýmen shektelmei, sonymen qatar memlekettiń aqparattyq táýelsizdigin qamtamasyz etip, el ekonomikasyna naqty úles qosýda.
«Qoljetimdi internet» memlekettik baǵdarlamasyna sáikes, «RǴBO» AQ «Kazsat» ǵaryshtyq bailanys júiesiniń resýrstaryn paidalana otyryp, eldiń 176 aýyldyq aimaǵyna keńjolaqty internetke qoljetimdilikti qamtamasyz etti.
Qazirgi ýaqytta «RǴBO» AQ ujymy ǵaryshtyq bailanys jáne habar taratý júiesin nyǵaitý boiynsha jumystar júrgizip, Qazaqstanda zamanaýi spýtniktik júielerdi qoldaný múmkindikterin zerttep jatyr.
