Jıyn barysynda janýarlar dúnıesin paıdalanýǵa ruqsat (lısenzıa) alý, ashyq teńizge shyǵý úshin shekaralyq ótkizý qujatyn alý, táýlik boıy balyq aýlaýǵa jáne kásipshilik balyq aýlaý normatıvterin shekteý máseleleri kóterildi.
Keńeske memlekettik organdardyń ókilderi, balyqshylar men sala ardagerleri qatysty.
Jıyn barysynda Nurlan Noǵaev Mańǵystaý oblysynyń jańadan ashylǵan balyq sharýashylyǵy basqarmasynyń basshysyn tanystyrdy. Jańa qyzmetke «Jaıyq-Kaspıı oblysaralyq baseındik balyq sharýashylyǵy ınspeksıasy» RMM eks basshysy Arman Moldashev taǵaıyndaldy.
Salanyń ózekti máselelerin talqylaǵan jıynda Nurlan Noǵaev jaýapty tulǵalarǵa óńirde balyq sharýashylyǵyn damytý baǵdarlamasyn ázirleýdi tapsyrdy.
– Aımaqta balyq sharýashylyǵyn damytý úshin biz osy máselemen ǵana aınalysatyn jańa basqarma ashtyq. Osy salada kóp jyldyq tájirıbesi bar basqarmanyń basshysy Arman Mýldashevke birqatar naqty tapsyrmalar da berildi. Endi balyq sharýashylyǵyn damytý máselesi turaqty baqylaýda bolady, – dedi Nurlan Noǵaev.
