جيىن بارىسىندا جانۋارلار دۇنيەسىن پايدالانۋعا رۇقسات (ليسەنزيا) الۋ، اشىق تەڭىزگە شىعۋ ءۇشىن شەكارالىق وتكىزۋ قۇجاتىن الۋ، تاۋلىك بويى بالىق اۋلاۋعا جانە كاسىپشىلىك بالىق اۋلاۋ نورماتيۆتەرىن شەكتەۋ ماسەلەلەرى كوتەرىلدى.
كەڭەسكە مەملەكەتتىك ورگانداردىڭ وكىلدەرى، بالىقشىلار مەن سالا ارداگەرلەرى قاتىستى.
جيىن بارىسىندا نۇرلان نوعايەۆ ماڭعىستاۋ وبلىسىنىڭ جاڭادان اشىلعان بالىق شارۋاشىلىعى باسقارماسىنىڭ باسشىسىن تانىستىردى. جاڭا قىزمەتكە «جايىق-كاسپيي وبلىسارالىق باسسەيندىك بالىق شارۋاشىلىعى ينسپەكسياسى» رمم ەكس باسشىسى ارمان مولداشيەۆ تاعايىندالدى.
سالانىڭ وزەكتى ماسەلەلەرىن تالقىلاعان جيىندا نۇرلان نوعايەۆ جاۋاپتى تۇلعالارعا وڭىردە بالىق شارۋاشىلىعىن دامىتۋ باعدارلاماسىن ازىرلەۋدى تاپسىردى.
– ايماقتا بالىق شارۋاشىلىعىن دامىتۋ ءۇشىن ءبىز وسى ماسەلەمەن عانا اينالىساتىن جاڭا باسقارما اشتىق. وسى سالادا كوپ جىلدىق تاجىريبەسى بار باسقارمانىڭ باسشىسى ارمان مۋلداشيەۆكە ءبىرقاتار ناقتى تاپسىرمالار دا بەرىلدى. ەندى بالىق شارۋاشىلىعىن دامىتۋ ماسەلەسى تۇراقتى باقىلاۋدا بولادى، – دەدى نۇرلان نوعايەۆ.
