Kaspıı teńiziniń túbindegi optıkalyq kabel qurylysy 2026 jyldyń sońyna deıin aıaqtalady, dep habarlaıdy Dalanews.kz.
Elimizdiń tranzıttik áleýetin arttyrý úshin Ázerbaıjanǵa deıin baılanys jelisin salý jónindegi iri halyqaralyq jobany júzege asyrý bastaldy. Bul týraly Úkimet otyrysynda premer-mınıstrdiń orynbasary – jasandy ıntellekt jáne sıfrlyq damý mınıstri Jaslan Mádıev málimdedi.
"Qazaqstan Eýropa men Azıa arasyndaǵy strategıalyq mártebege ıe jáne halyqaralyq ınternet-trafık tranzıtinde mańyzdy ról atqarady. Tranzıttik áleýetti arttyrý maqsatynda Kaspıı teńiziniń túbinen Ázerbaıjan Respýblıkasyna deıin optıkalyq kabel qurylysyn iske asyrý bastaldy. Jobany bıylǵy 3-toqsanda aıaqtaý josparlanyp otyr", - dedi Jaslan Mádıev.
