2025 jylǵy 17 aqpanda Kaspii qubyr konsortsiýmynyń (KQK) mańyzdy munai nysany – “Kropotkinskaia” munai aidaý stantsiiasy (NPS) drondardyń shabýylyna ushyrady, dep habarlaidy Dalanews.kz.
Qyzmetkerler zardap shekpegen.
Resmi málimetke sáikes, stantsiia personaly arasynda zardap shekkender joq. Oqiǵanyń saldaryn baǵalaý úshin KQK bas direktory Nikolai Gorban bastaǵan arnaiy komissiia oqiǵa ornyna shyqty.
Qazaqstan munaiyna shekteý qoiylǵan joq.
Kaspii qubyr konsortsiýmy Qazaqstan munaiyn qabyldaý shtattyq rejimde júrip jatqanyn habarlady. Degenmen, “Teńiz – Novorossiisk” qubyr júiesi arqyly munai tasymaldaý qýaty ýaqytsha tómendetildi. Bul másele zaqymdalǵan NPS-ti ainalyp ótý arqyly sheshilýde.
Qazirgi ýaqytta shabýyldyń sebepteri men saldary zerttelip jatyr. Bul oqiǵa óńirlik munai tasymalyna qalai áser etetini aldaǵy kúnderi belgili bolmaq.
