2025 جىلعى 17 اقپاندا كاسپيي قۇبىر كونسورسيۋمىنىڭ (كقك) ماڭىزدى مۇناي نىسانى – “كروپوتكينسكايا” مۇناي ايداۋ ستانسياسى (نپس) درونداردىڭ شابۋىلىنا ۇشىرادى، دەپ حابارلايدى Dalanews.kz.
قىزمەتكەرلەر زارداپ شەكپەگەن.
رەسمي مالىمەتكە سايكەس، ستانسيا پەرسونالى اراسىندا زارداپ شەككەندەر جوق. وقيعانىڭ سالدارىن باعالاۋ ءۇشىن كقك باس ديرەكتورى نيكولاي گوربان باستاعان ارنايى كوميسسيا وقيعا ورنىنا شىقتى.
قازاقستان مۇنايىنا شەكتەۋ قويىلعان جوق.
كاسپيي قۇبىر كونسورسيۋمى قازاقستان مۇنايىن قابىلداۋ شتاتتىق رەجيمدە ءجۇرىپ جاتقانىن حابارلادى. دەگەنمەن، “تەڭىز – نوۆوروسسييسك” قۇبىر جۇيەسى ارقىلى مۇناي تاسىمالداۋ قۋاتى ۋاقىتشا تومەندەتىلدى. بۇل ماسەلە زاقىمدالعان ءنپس-تى اينالىپ ءوتۋ ارقىلى شەشىلۋدە.
قازىرگى ۋاقىتتا شابۋىلدىڭ سەبەپتەرى مەن سالدارى زەرتتەلىپ جاتىر. بۇل وقيعا وڭىرلىك مۇناي تاسىمالىنا قالاي اسەر ەتەتىنى الداعى كۇندەرى بەلگىلى بولماق.
