Mańǵystaý oblysynyń Kaspii teńizi jaǵalaýynan 112 óli itbalyqtyń denesi tabyldy. Bul týraly oblystyq ekologiia departamenti málimdedi, dep habarlaidy Dalanews.kz.
Itbalyqtardyń óli deneleri Asan aýylymen Baýtino múiisiniń aralyǵynan tabylǵan. Ekologtar teńiz sýynan synama alyp, zerthanalyq taldaýǵa jiberdi.
Aita keteiik, buǵan deiin Kaspii teńizi jaǵalaýynda balyqtar jappai qyrylǵan edi.
Fort-Shevchenko qalasynyń Túpqaraǵan aýdany aýmaǵynda teńiz jaǵalaýynan tabylǵan óli balyqtardyń videosy áleýmettik jelilerge jariialandy.
7 shilde kúni oqiǵa ornyna oblystyq ekologiia departamentiniń zerthanalyq-taldamalyq baqylaý bóliminiń mamandary bardy. Olar balyq sharýashylyǵy basqarmasynyń qyzmetkerlerimen birge teńiz sýynan synamalar aldy.
Ekologtar zertteý nátijelerin qosymsha habarlaitynyn aitty.
Eske sala keteiik, 1 mamyr kúni Kaspii jaǵalaýynan 88 itbalyqtyń óligi tabylǵan bolatyn. Al 9 mamyrda Túpqaraǵan aýdanynyń turǵyndary taǵy ondaǵan óli itbalyq pen qusty baiqap, dabyl qaqqan.
Mamyr aiynyń sońynda Fort-Shevchenko qalasy mańyndaǵy jaǵalaýda eki kúnniń ishinde 117 óli itbalyq tabyldy. Balyq sharýashylyǵy komitetiniń málimetinshe, bul janýarlar 2024 jyldyń qarasha-jeltoqsan ailarynda ólgen.
