Bılet qunyn Kaspi Gold-pen, nesıege sondaı-aq Kaspi Bonýstarmen tolyq nemese jartylaı tóleýge bolady.
Kaspi.kz basshysy Mıhaıl Lomtadze:
«Biz súıikti klıentterimiz úshin búkil Qazaqstan boıynsha poıyzdarǵa bıletti onlaın satyp alý múmkindigin qosqanymyzǵa qýanyshtymyz. Endi bizdiń qosymshamyzdyń Kaspi Travel bóliminde áýebıletterine qosymsha t/j bıletterin de onlaın, jyldam, ońaı satyp alýǵa bolady. Osy servısti iske qosýǵa qatysqan árbir adamǵa alǵys aıtamyn. Bizdiń klıentterimizge qaýipsiz, yńǵaıly sapar tileımin».
«Biz Qazaqstanda poıyzben saıahattaý qarapaıym jáne yńǵaıly bolǵanyn qalaımyz. Sondyqtan turaqty túrde servısti jaqsartýmen aınalysamyz, sıfrlyq qyzmetterdi engizemiz. Jaqynda biz QTJ men Kaspi.kz-tiń IT júıelerin yqpaldastyrdyq, endi bizdiń jolaýshylarymyzǵa úıden shyqpaı-aq poıyzǵa bılet satyp alý ońaı bola tústi. Bul klıentterge paıdaly ári qolaıly jaǵdaı jasaý úshin kompanıalar seriktestiginiń tamasha úlgisi», - dep atap ótti «Jolaýshylar tasymaly» AQ Bas dırektory Peter Shtýrm.
Kaspi.kz sýperqosymshasyn 10 mıllıonam astam qazaqstandyq paıdalanady. Qosymshanyń aınalasynda yńǵaıly qyzmetterdiń tutas ekojúıesi qalyptasty - tıimdi zat satyp alý, tólemder, bıletter alý jáne taǵy basqalary.
Ótken jyly Kaspi.kz saıahatshylar úshin arnaıy Kaspi Travel servısin iske qosty, onyń kómegimen qazaqstandyqtar jyldam ári tıimdi áýebıletterin satyp alady. Endi dál osylaı temirjol arqyly sapardy ońaı ári qarapaıym josparlap jáne jolaqysyn tóleýge bolady.
