Qazaqstandyq iri saýda ınternet-alańdarynyń TOP KZ Retail E-Commerce 2022 renkınginde Kaspi.kz taǵy da birinshi orynǵa ıe boldy. Kaspi.kz besinshi jyl qatarynan Qazaqstanda elektrondyq komersıanyń kóshbasshysy dep tanyldy.
Kaspi.kz-tiń basshysy ári negizin qalaýshylardyń biri Mıhaıl Lomtadze bul týraly bylaı dedi:
«Bizben birge bolǵany úshin árbir súıikti klıentimiz ben seriktesimizge raqmet aıtamyz! Kaspi.kz-tegi ınternet-dúkende negizinen shaǵyn jáne orta bıznes kompanıalarynyń 2,5 mıllıonǵa jýyq alýan túrli taýarlary usynylǵan. Bir jaǵynan, biz kompanıalardyń ósýine jáne jańa jumys oryndaryn ashýǵa kómektesemiz, ekinshi jaǵynan, súıikti klıentterimizge tegin jetkizý qyzmetimen tıimdi zat satyp alýǵa kómektesemiz».
Forbes Kazakhstan iskerlik jýrnaly Baker Tilly Kazakhstan halyqaralyq konsaltıń kompanıasymen birlesip jyl saıyn TOP KZ Retail E-Commerce renkıngin jasaıdy. Bul – onlaın satýdan túsetin túsim kólemi boıynsha qazaqstandyq ınternet-kompanıalardyń turaqty reıtıńi.
