Kaspiidegi qaiǵyly oqiǵaǵa qatysy bar basqa da tulǵalardy anyqtap, olardy ustaý maqsatynda tergeý jalǵasyp jatyr, dep habarlaidy dalanews.kz.
Búgin qyzmetke salǵyrt qaraý jáne keme júrgizý qaǵidalaryn buzý boiynsha aýyr zardaptarǵa ákep soqqan qylmystyq quqyqbuzýshylyqtar jasady degen kúdikpen Qazaqstan Respýblikasy Qarýly Kúshteriniń joǵary jáne aǵa komandalyq quramyndaǵy jaýapty laýazymdy tulǵalar ustalǵan edi.
Ustalǵandar qatarynda QR QK Áskeri-teńiz kúshteri Bas qolbasshysynyń birinshi orynbasary - shtab bastyǵy, eki áskeri bólimniń komandiri, sondai-aq, teńiz jaiaý áskeri rotasynyń jáne "Qaisar" kateriniń komandirleri bar. Olardyń barlyǵy kúdikti dep tanylyp, Aqtaý qalasy politsiia basqarmasynyń ýaqytsha ustaý izoliatoryna qamaldy.
Ishki ister ministrligi tergeý áli jalǵasyp jatqanyn habarlady.
