Energetika ministrligi Kaspii qubyr konsortsiýmynyń (KQK) jumysyna qatysty málimdeme jasady, dep habarlaidy dalanews.kz.
Jekelegen buqaralyq aqparat quraldarynda KQK jumysynyń tolyq toqtatylýy múmkin ekeni týraly aqparat taraǵan. Alaida mundai stsenarii qarastyrylyp otyrǵan joq.
31 shilde kúni KQK munai qubyrynyń jumysyn ýaqytsha toqtatty. Sonymen qatar júk jóneltýshilerden munai qabyldaý jáne rezervýarlar parkin toltyrý jumystary jalǵasýda.
1 tamyzdan bastap munai qabyldaý kólemi táýligine 100 myń tonnany quraidy. Munaidy tasymaldaý kólemin odan ári ulǵaitý teńiz terminalynda tankerlerdiń tieýge ýaqtyly qoiylýyna bailanysty bolady.
Ministrdiń keńesshisi – Qazaqstan Respýblikasy Energetika ministrliginiń resmi ókili Ásel Serikpaevanyń sózinshe, Energetika ministrligi KQK jáne júk jóneltýshilermen turaqty ózara is-qimyl júrgizýde. Qalyptasqan jaǵdai turaqty baqylaýda.
