Kaspi Bank aksıonerleriniń jalpy jınalysynda ótken jyldyń qorytyndysy boıynsha 2024 jylǵa úshinshi ret dıvıdend tóleý týraly sheshim qabyldandy. Osylaısha bank aksıonerleri bir qarapaıym jáne bir artyqshylyqqa ıe aksıa úshin  4 900 teńge alatyn boldy. 2025 jyldyń 1 sáýirindegi málimet boıynsha, búginderi 18,3 mln jaı jáne 372 myń artyqshylyqqa ıe aksıalar aınalymda júr, dep habarlaıdy Dalanews.kz.

Osy turǵydan eseptesek, bank aksıonerlerge dıvıdent retinde 91,7 mlrd teńge tólemek.

Bank 2024 jyldyń qorytyndysy boıynsha aldyńǵy eki dıvıdend tólemin sáýir jáne maýsym aılarynda júrgizdi. Ol kezderdegi "bonýs" mólsheri 2000 teńge jáne 1070 teńge boldy. Bul bank qojaıyndarynyń 57,5 mlrd teńge dıvıdend alǵanyn bildire alady. Úshinshi tólemmen birge eseptegende, 2024 jylǵa Kaspi Bank tólegen dıvıdendterdiń jalpy somasy 149,2 mlrd teńgeni quramaq. 2024 jyldyń qorytyndysy boıynsha bank 530,8 mlrd teńge taza paıda tapty. Osy ýaqytqa deıin dıvıdendterge atalǵan somanyń 28%-y baǵyttaldy. 

Kaspi Bank-tiń negizgi aksıonerleri: Baring Vostok Funds – 24,42%; Mıhaıl Lomtadze – 22,37%; Vácheslav Kım – 21,18%; jarıa ınvestorlar - 28,42%; bank menejmenti - 3,61%.