Kaspi Bank اكسيونەرلەرىنىڭ جالپى جينالىسىندا وتكەن جىلدىڭ قورىتىندىسى بويىنشا 2024 جىلعا ءۇشىنشى رەت ديۆيدەند تولەۋ تۋرالى شەشىم قابىلداندى. وسىلايشا بانك اكسيونەرلەرى ءبىر قاراپايىم جانە ءبىر ارتىقشىلىققا يە اكسيا ءۇشىن 4 900 تەڭگە الاتىن بولدى. 2025 جىلدىڭ 1 ساۋىرىندەگى مالىمەت بويىنشا، بۇگىندەرى 18،3 ملن جاي جانە 372 مىڭ ارتىقشىلىققا يە اكسيالار اينالىمدا ءجۇر، دەپ حابارلايدى Dalanews.kz.
وسى تۇرعىدان ەسەپتەسەك، بانك اكسيونەرلەرگە ديۆيدەنت رەتىندە 91،7 ملرد تەڭگە تولەمەك.
بانك 2024 جىلدىڭ قورىتىندىسى بويىنشا الدىڭعى ەكى ديۆيدەند تولەمىن ءساۋىر جانە ماۋسىم ايلارىندا جۇرگىزدى. ول كەزدەردەگى "بونۋس" مولشەرى 2000 تەڭگە جانە 1070 تەڭگە بولدى. بۇل بانك قوجايىندارىنىڭ 57،5 ملرد تەڭگە ديۆيدەند العانىن بىلدىرە الادى. ءۇشىنشى تولەممەن بىرگە ەسەپتەگەندە، 2024 جىلعا Kaspi Bank تولەگەن ديۆيدەندتەردىڭ جالپى سوماسى 149،2 ملرد تەڭگەنى قۇراماق. 2024 جىلدىڭ قورىتىندىسى بويىنشا بانك 530،8 ملرد تەڭگە تازا پايدا تاپتى. وسى ۋاقىتقا دەيىن ديۆيدەندتەرگە اتالعان سومانىڭ 28%-ى باعىتتالدى.
Kaspi Bankء-تىڭ نەگىزگى اكسيونەرلەرى: Baring Vostok Funds – 24،42%؛ ميحايل لومتادزە – 22،37%؛ ۆياچەسلاۆ كيم – 21،18%؛ جاريا ينۆەستورلار - 28،42%؛ بانك مەنەدجمەنتى - 3،61%.
