Qarjy ministrligi Ulttyq bankpen jáne ekinshi deńgeili banktermen birlesip, Kaspi aýdarymdaryna qatysty qoldanystaǵy kriteriilerdi tolyqtyrý týraly sheshim qabyldady, dep habarlaidy Dalanews.kz "Paragrafqa" silteme jasap.
Mańyzdy jańalyq mynada: endi úsh ai ishinde 12 eń tómengi jalaqydan (1 020 000 teńgeden) asatyn kiris mobildi aýdarymdary tirkelýge mindetti jeke kásipker mártebesin alý úshin esepteletin bolady (jyldyq kiris 12 ETJ-dan asýy tiis).
Iaǵni endi aqsha aýdarymyna limit qoiylýy múmkin: demek shotyńyzǵa 3 aidaǵy aýdarymdardyń jalpy somasy 1,02 million teńgeden asýy tiis.
Osyǵan sáikes Qarjy ministriniń tiisti buiryǵy qazirgi ýaqytta Ulttyq banktiń qaraýynda.
Tekserý kriteriilerine sáikes, eger bir jeke tulǵa qatarynan úsh aidyń árqaisysynda 100 nemese odan da kóp túrli adamdardan kásipkerlik qyzmetke arnalmaǵan bank shotyna aqsha alsa, ol shotqa qatysty tekseris júrigiziletin bolady.
Eske salaiyq, buǵan deiin tek qatarynan 3 ai boiy 100-den astam adamnan aýdarym qabyldaǵan jeke tulǵalar tekserile bastaityn.
