قارجى مينيسترلىگى ۇلتتىق بانكپەن جانە ەكىنشى دەڭگەيلى بانكتەرمەن بىرلەسىپ، Kaspi اۋدارىمدارىنا قاتىستى قولدانىستاعى كريتەرييلەردى تولىقتىرۋ تۋرالى شەشىم قابىلدادى، دەپ حابارلايدى Dalanews.kz "پاراگرافقا" سىلتەمە جاساپ. 

ماڭىزدى جاڭالىق مىنادا: ەندى ءۇش اي ىشىندە 12 ەڭ تومەنگى جالاقىدان (1 020 000 تەڭگەدەن) اساتىن كىرىس ءموبيلدى اۋدارىمدارى تىركەلۋگە مىندەتتى جەكە كاسىپكەر مارتەبەسىن الۋ ءۇشىن ەسەپتەلەتىن بولادى (جىلدىق كىرىس 12 ەتج-دان اسۋى ءتيىس).

ياعني ەندى اقشا اۋدارىمىنا ليميت قويىلۋى مۇمكىن: دەمەك شوتىڭىزعا 3 ايداعى اۋدارىمداردىڭ جالپى سوماسى 1،02 ميلليون تەڭگەدەن اسۋى ءتيىس. 

وسىعان سايكەس قارجى ءمينيسترىنىڭ ءتيىستى بۇيرىعى قازىرگى ۋاقىتتا ۇلتتىق بانكتىڭ قاراۋىندا.

تەكسەرۋ كريتەرييلەرىنە سايكەس، ەگەر ءبىر جەكە تۇلعا قاتارىنان ءۇش ايدىڭ ءارقايسىسىندا 100 نەمەسە ودان دا كوپ ءتۇرلى ادامداردان كاسىپكەرلىك قىزمەتكە ارنالماعان بانك شوتىنا اقشا السا، ول شوتقا قاتىستى تەكسەرىس جۇرىگىزىلەتىن بولادى.

ەسكە سالايىق، بۇعان دەيىن تەك قاتارىنان 3 اي بويى 100-دەن استام ادامنان اۋدارىم قابىلداعان جەكە تۇلعالار تەكسەرىلە باستايتىن.