Astanada qoǵamdyq birlestik basshylary kásipkerlerdi bopsalaǵan, dep habarlaıdy Dalanews.kz.
Tekserý barysynda prokýrorlar eki basshynyń azyq-túlik dúkenderine barǵanyn jáne satýshylardan jaramdylyq merzimi ótken azyq-túlik jóninde tıisti organdarǵa habarlamaǵany úshin aqsha talap etkeni anyqtaldy. Osylaısha, olar qorqytý arqyly 7 kásipkerdiń árqaısysynan 25 myń teńgeden alǵan.
Prokýratýranyń nusqaýy boıynsha polısıa atalǵan derekke qatysty sotqa deıingi tergep-tekserýdi bastady.
"Sot úkimimen kináli tulǵalar QK-niń 194-baby 2-bóligi 2), 3) tarmaqtary boıynsha adamdar tobynyń aldyn ala sóz baılasýymen jasalǵan qorqytyp alýshylyq úshin sottaldy", – delingen prokýratýra habarlamasynda.
Sottalǵandardan materıaldyq zalal óndirildi. Úkim zańdy kúshine endi.
Prokýratýra qoǵamdyq birlestikterdiń baqylaý-qadaǵalaý fýnksıalary joq ekendigin eskertedi.
