استانادا قوعامدىق بىرلەستىك باسشىلارى كاسىپكەرلەردى بوپسالاعان، دەپ حابارلايدى Dalanews.kz.
تەكسەرۋ بارىسىندا پروكۋرورلار ەكى باسشىنىڭ ازىق-تۇلىك دۇكەندەرىنە بارعانىن جانە ساتۋشىلاردان جارامدىلىق مەرزىمى وتكەن ازىق-تۇلىك جونىندە ءتيىستى ورگاندارعا حابارلاماعانى ءۇشىن اقشا تالاپ ەتكەنى انىقتالدى. وسىلايشا، ولار قورقىتۋ ارقىلى 7 كاسىپكەردىڭ ءارقايسىسىنان 25 مىڭ تەڭگەدەن العان.
پروكۋراتۋرانىڭ نۇسقاۋى بويىنشا پوليسيا اتالعان دەرەككە قاتىستى سوتقا دەيىنگى تەرگەپ-تەكسەرۋدى باستادى.
"سوت ۇكىمىمەن كىنالى تۇلعالار قك-نىڭ 194-بابى 2-بولىگى 2)، 3) تارماقتارى بويىنشا ادامدار توبىنىڭ الدىن الا ءسوز بايلاسۋىمەن جاسالعان قورقىتىپ الۋشىلىق ءۇشىن سوتتالدى"، – دەلىنگەن پروكۋراتۋرا حابارلاماسىندا.
سوتتالعانداردان ماتەريالدىق زالال ءوندىرىلدى. ۇكىم زاڭدى كۇشىنە ەندى.
پروكۋراتۋرا قوعامدىق بىرلەستىكتەردىڭ باقىلاۋ-قاداعالاۋ فۋنكسيالارى جوق ەكەندىگىن ەسكەرتەدى.
