قازاقستاندىق ازامات ۇلىنىڭ تۇساۋىن اتاقتى فۋتبولشى رونالدينوعا كەستٸردٸ

قازاقستاندىق ازامات ۇلىنىڭ تۇساۋىن اتاقتى فۋتبولشى رونالدينوعا كەستٸردٸ
فوتو: ۆيدەودان سكرين

قازاقستاندىق ازامات دۋبايدا كٸشكەنتاي ۇلىنىڭ تۇساۋىن ەلەم فۋتبولىنىڭ اڭىزى اتانعان رونالدينوعا كەستٸردٸ. ەرەكشە رەسٸم تٷسٸرٸلگەن بەينەجازبا ەلەۋمەتتٸك جەلٸدە كەڭٸنەن تاراپ جاتىر, دەپ حابارلايدى dalanews.kz.

بالانىڭ ەكەسٸ الدىمەن ۇلىنا ليونەل مەسسي, مايك تايسون, گەنناديي گولوۆكين جەنە رونالدينو سەكٸلدٸ ەلەمگە تانىمال تۇلعالاردىڭ سۋرەتتەرٸن كٶرسەتكەن. بٷلدٸرشٸن ولاردىڭ اراسىنان برازيلييالىق فۋتبولشىنى تاڭداعان. وسىدان كەيٸن ەكەسٸ ۇلىنىڭ تۇساۋىن رونالدينوعا كەستٸرۋگە شەشٸم قابىلداعان.

دۋبايدا ٶتكەن كەزدەسۋدە فۋتبولشى بالانىڭ اياعىنا بايلانعان الا جٸپتٸ ٶزٸ قيىپ, قازاقتىڭ تۇساۋكەسەر دەستٷرٸنە قاتىستى. قازاق تانىمىندا بۇل رەسٸم سەبيدٸڭ قادامى نىق, جولى اشىق بولسىن دەگەن نيەتپەن جاسالادى.

"راقمەت سٸزگە, اڭىزداردىڭ اڭىزى! ەڭ مىقتىلاردىڭ ٸشٸندەگٸ ەڭ مىقتىسى. قۇداي قالاسا, ۇلىم دا سٸز سەكٸلدٸ ۇلى ەرٸ تانىمال تۇلعاعا اينالسىن. بٷكٸل ەلەم, سونىڭ ٸشٸندە قازاقستان دا سٸزدٸ جاقسى كٶرەدٸ جەنە قۇرمەتتەيدٸ", – دەپ جازدى بالانىڭ ەكەسٸ.

ول ۇلىنىڭ بولاشاقتا ەسٸمٸ ەلەمگە تانىلعان, ٸزگٸ قاسيەتتٸ ازامات بولىپ ٶسۋٸن تٸلەپ, وسى نيەتپەن تۇساۋىن اتاقتى فۋتبولشىعا كەستٸرگەنٸن جەتكٸزدٸ.

جەلٸدە جارييالانعان ۆيدەو 1,3 ميلليوننان استام قارالىم جينادى. كٶپشٸلٸك رونالدينونىڭ قازاقتىڭ ۇلتتىق سالتىنا قۇرمەت كٶرسەتكەنٸنە جىلى پٸكٸر بٸلدٸرٸپ جاتىر.