Májilis depýtaty Ekaterina Smoliakova mektep oqýshylaryn ystyq tamaqpen qamtamasyz etip otyrǵan kásipkerler aýyr jaǵdaiǵa tap bolǵanyn málimdedi, dep habarlaidy Dalanews.kz.
Depýtattyń aitýynsha, 2025 jyldyń 4 naýryzynan bastap Densaýlyq saqtaý ministrliginiń buiryǵymen bekitilgen jańa tamaqtaný standarty kúshine endi. Qujatta et, qus eti, sút ónimderi, kókónis, jemis-jidek, jarma jáne basqa da sanattar boiynsha tutyný normalary aitarlyqtai arttyrylǵan.
Alaida Smoliakovanyń sózinshe, jergilikti atqarýshy organdar – ákimdikter ónimderdi osy jańa talaptarǵa sai satyp alýǵa jáne tamaqtanýdy uiymdastyrýǵa qaýqarsyz. Óitkeni qarjylandyrý deńgeii ózgermei, burynǵy qalpynda qalyp otyr.
