[caption id="attachment_25553" align="alignright" width="282"]
A. Tutýbaev[/caption]
Osy sot otyrysy kezinde sýdia úsh túrli talap qoidy:
- Osy is boiynsha aty atalǵan, kýágerlik etýge mindetti jábirlenýshi tarap ókilderi (kásipkerdiń ústinen aryz berýshiler) prokýrordyń shaqyrtýymen kelesi sottarǵa kelýge tiis. Onyń ishinde Asqar Tutýbaev ta bar.Olar osyǵan deiin ártúrli syltaý aityp, sotqa qatysýdy kesheýildetip keledi.
- Qonai Masiphan 2015 jyly 15-18 sáýir kezinde Ile aýdandyq politsiia bólimshesinde qamaýǵa alynyp, úsh kún boiy tergelgen. Sol kezde B. Tutýbaevqa 92 myń AQSh dollaryna qaryzbyn degen sipatta qolhat jazyp bergen. Sol qolhattyń túpnusqasy tergeý jýrnalyna tirkelmegen. Sony tabý jáne tergeý materialdaryna tirkeý kerek. Qolhattyń túpnusqasyn sot materialdaryna tirkeýdi aiyptalýshy taraptyń qorǵaýshylary ótinish etip otyr.
- Tergeý kezindegi materialdar (7 tom) sotqa tolyq berilmegen. Sýdia ondaǵy keibir zań buzýshylyqtar men kemshilikterdiń barlyǵyn ashyq aityp, qadaǵalaýshy organnyń sol kezdegi salǵyrttyǵyn sóz etti. Prokýrordyń sotqa túsirgen ótinishi boiynsha kelesi sot otyrysyna kásipker Qonai Masiphan ústinen túsken shaǵym boiynsha Ile aýdandyq politsiia bólimshesinde tergeý júrgizgen tergeýshi shaqyrylatyn boldy. Aiyptalýshy sol kezde tergeý izoliatoryna B. Tutýbaev kirip, ózin soqqyǵa jyǵyp, 92 myń AQSh dollaryna zorlyqpen qolhat jazdyryp alǵanyn buǵan deiingi sot otyrysynda aitqan bolatyn.
Sotqa qatysqan BAQ ókilderi jábirlenýshi taraptyń qorǵaýshylarynan B. Tutýbaev pen A. Tutýbaevtan suhbat alýǵa kelistirip berýdi surady. Buǵan deiin jábirlenýshi tarap sot isi boiynsha eshqandai túsinikteme bergen joq.
Aitpaqshy, kásipker Qonai Masiphannyń BAQ-qa jariialaǵan ashyq hatymen QR Memlekettik qyzmet isteri jáne sybailas jemqorlyqqa qarsy is-qimyl agenttiginiń tóraǵasy Qairat Qojamjarov myrzanyń tanysqany málim boldy.
Kelesi sot otyrysy erteń, 6 sáýir kúni saǵat 10.30-da ótetin bolyp belgilendi.
