Kásipker Keńes Raqyshev Instagram-ǵa básekeles bola alatyn Mobli kompaniiasyna investitsiia salǵan kezin eske aldy, - dep habarlaidy Dalanews.kz.
Bul týraly Raqyshev kásipker Rýslan Sháiekenniń podkastynda aityp berdi.
Keńes Raqyshevtiń aitýynsha, Mobli-da qazirgi ýaqytta Instagram-da tanymal (mysaly, stories siiaqty) fýnktsiialar bolǵan.
"Biz keremet qarqynmen óstik, biraq Instagram kútpegen jerden strategiiasyn ózgertti, sondai-aq kompaniiaǵa Mark Tsýkerberg investitsiia saldy, al bizge qarjy jetpedi", – dedi ol.
Birshama ýaqyttan keiin Raqyshevke Mail.ru-dan Mobli-di 250 million dollarǵa satyp alý týraly usynys túsken. Kásipker bul mámileden bas tartqanyn jáne mundai sheshim qabyldaǵanyna ókinetinin moiyndady.
Aita keteiik, 2024 jyly Instagram kompaniiasynyń quny 100 milliard dollardy qurap otyr.
Eske salaiyq, buǵan deiin Keńes Raqyshev Kaiman araldarynda tirkelgen kompaniia aktsioneri atanǵanyn jazǵan edik. Ol jeke menshik iesi bolyp tabylatyn "Fincraft Group" JShS Tethys Petroleum Limited munai-gaz kompaniiasynyń 15,16% aktsiiasyn satyp aldy. Bul týraly 26 qarashada Qazaqstan qor birjasy saitynda jariialanǵan aqparattan belgili boldy.
Fincraft Group quramyna BTA banki, Shoqan Ýálihanov atyndaǵy jekemenshik mektep, Nordland Petroleum Inc., Equus Petroleum Limited, Shoqan Academy jáne Beineu Petroleum Limited enedi.
Tethys Petroleum — Qazaqstanda jumys isteitin, degenmen Kaiman araldarynda tirkelgen munai-gaz kompaniiasy. Onyń negizgi qyzmeti shiki munai men tabiǵi gaz ken oryndaryn satyp alý, barlaý jáne igerý bolyp tabylady.
"2023 jyldyń sońynda Tethys Petroleum Qazaqstanda tórt kelisimshartqa: Qyzyloi ken ornyn óndirýge, Aqqul ken ornyn óndirýge (gaz kelisimsharttary), Aqqul ken ornyn barlaýǵa (Doris munai ken ornyn jáne basqalaryn qamti otyryp), sondai-aq Qul-Bas ken ornyn barlaýǵa jáne igerýge qol jetkizdi. Tethys Petroleum quramyna 100% úlesi bar segiz enshiles uiym kiredi: Tethys Kazakhstan SA, Transcontinental Oil Transportation srl, Tethyda Limited, TPL Holdings Limited, DMS Services LLP, Tethys Aral gas LLP, Kul-Bas JShS, Tethys Services Kazakhstan LLP. Sondai-aq, kompaniia Araldaǵy munai terminalynyń 50% úlesine ie", dep jazady Forbes.kz.
Qarjylyq esepterge súiensek, 2023 jyly Tethys Petroleum 9,7 million dollar, 2022 jyly 12,3 million dollar tabys tapqan. Al 2024 jyldyń 1 shildesindegi jaǵdai boiynsha kompaniianyń taza kirisi nebári 44 myń dollardy qurapty.
Tethys Petroleum Torontodaǵy TSX Venture Exchange qor birjasynda bastapqy listingke ie (damýshy kompaniialar úshin venchýrlyq kapitaldyń qoǵamdyq alańy). Sondai-aq, Qazaqstan qor birjasynda (KASE) da tirkelgen.
Keńes Raqyshev Forbes-tyń eń bai biznesmender reitingisinde 19-shy orynda tur (2024). Onyń bailyǵy 435 million dollarǵa baǵalanady.
