Óz sózinde Almaty oblystyq densaýlyq saqtaý basqarmasy basshysynyń emdeý isi jónindegi orynbasary Ómirzaq Niiazbekov «ASPMK-519» JShS-nyń quryltaishylarynyń biri Viktor Sychevqa, qurylys jónindegi direktor Pavel Nemytovqa, atalmysh kompaniianyń Taldyqorǵan qalasy boiynsha ákimshilik direktory Murat Jarqynovqa sanitarlyq avtokólik satyp alyp, kómek kórsetkenderi úshin oblystyq basqarma atynan rahmet aitty.
– Qurmetti jerlester! Sizder memlekettiń bizneske árqashan kómek kórsetetinin bilesizder. Sondyqtan biznes ókilderi elimizdegi áleýmettik máselelerdi sheshýde moraldyq jaýapkershilikterin sezinip, atsalysýda.
Bizdiń kompaniia muqtaj adamdarǵa kómektesýde belsendilik tanytyp keledi. Tekeli qalasyndaǵy 200 syrqat balaǵa jalpy somasy 1,5 mln. teńgege azyq-túlik alyp berildi. Kásiporynnyń burynǵy jumyskerlerine, zeinetkerlerge 9 mln. teńgege kómek kórsetildi. Sol siiaqty «ASPMK-519» JShS ujymy meditsina mamandaryna arnalǵan zamanaýi quraldarmen jabdyqtalǵan reanimobil satyp ápergendi jón dep sheshti, – dep atap ótti.
Munan soń ol sharaǵa qatysýshylardyń qyzý qol soǵyp qoldaýymen oblystyq jedel járdem men shuǵyl meditsinalyq kómek stansasynyń direktory Qanat Qaldybaevqa sanitarlyq avtokóliktiń kiltin saltanatty túrde tabys etti.
Atap ótsek, bul memlekettik kommýnaldyq kásiporyn ótken jyly 923 546 shaqyrtýǵa, al 2020 jyldyń tórt aiynda 276 810 shaqyrtýǵa qyzmet kórsetken. Biylǵy jyly sanitarlyq aviatsiia jelisi boiynsha 885 shaqyrtý qabyldanyp, qyzmet jasalǵan.
