Kásipker Daniiar Ábilǵazin Grekiia aralyndaǵy órtke qatysty jaýap berdi, - dep habarlaidy Dalanews.kz.
Kásipkerdiń málimdemesin Forbes Kazakhstan jariialady.
Ol iahtany jalǵa alǵanyn moiyndady. Degenmen kásipkerdiń sózinshe, bolǵan tótenshe jaǵdaiǵa eshqandai qatysy joq.
"Túsinikti bolýy úshin aitaiyn, "Persefoni I" iahtasyn 2024 jyldǵy 15 maýsymda saǵat 12.00-den (tústen keiin) 2024 jylǵy 22 maýsym saǵat 12.00-ge deiin Grekiia araldarynda ózime, qonaqtaryma krýiz uiymdastyrý úshin jalǵa aldym. Burynnan ketetin ýaqytymyz 22 maýsymǵa josparlanǵan edi. Grekiiadan keter aldynda bizben Grekiia biliginiń ókilderi sóilesti, olar maǵan nemese meniń qonaqtaryma osy oqiǵaǵa bailanysty eshqandai shaǵym aitpady. Osylaisha biz aldyn ala josparlanǵan saiahat josparymen júrdik. Keibir qonaqtar 2024 jyly 21 maýsymda tańerteń ketip qalǵan edi.
Qaita oralǵannan keiin baspasózde aitylyp jatqan aiyptardy bilý kútpegen jait boldy, qandai da bir quqyqbuzýshylyq jasalǵanyn úzildi-kesildi joqqa shyǵaramyn. Men de, meniń qonaqtarym da aiaǵy órtke ákep soǵýy múmkin áreketterdi jasaǵan joq. Biz iahtadaǵy órt qaýipsizdigi erejelerin qatań saqtadyq. Men de, meniń qonaqtarym da iahta ekipajynan nemese basqa adamdardan arty órt ákep soǵýy múmkin qandai da bir áreketterdi jasaýdy suraǵan joq. Biz árqashan qaýipsizdik sharalaryn jáne mundai oqiǵalardy boldyrmaý úshin normalardy qatań saqtaimyz. Biz grek biligimen olar júrgizetin tergeý aiasynda yntymaqtasamyz", - dedi kásipker.
Buǵan deiin Qazaqstannyń Syrtqy ister ministrligi ustalǵandar arasynda Qazaqstan azamattary joq ekenin málimdedi.
"Qazaqstannyń konsýly bul aqparat jariialanǵannan keiin osy iske qatysty birden Grekiia biligine habarlasty. Politsiianyń málimetine sáikes, ustalǵandar arasynda Qazaqstan azamattary joq jáne olarǵa eshqandai da talaptar qoiylmaǵan", - dep jazylǵan vedomstvo habarlamasynda.
