Olıgarh Qaırat Boranbaevqa qarsy qylmystyq is QR Qylmystyq kodeksiniń taǵy eki baby boıynsha tergelip jatyr. Bul týraly Qarjylyq monıtorıń agenttigi tóraǵasynyń orynbasary Jeńis Elemesov málimdedi, - dep habarlaıdy Dalanews.kz.
"Ol sottalǵan negizgi qylmystyq is boıynsha 14, 5 mıllıard teńge kóleminde zalal óteldi, budan basqa ol 120 mıllıard teńge kóleminde zalaldy ótedi. 120 mıllıard teńge, oǵan qosa 14,5 mıllıard teńge - 134 mıllıard teńge. ...Qylmystyq is áli toqtatylǵan joq, ol tergelip jatyr, taǵy da zalal ótelýi múmkin. ...Oǵan búdjet qarajatyna qatysty kúdik bar, sondaı-aq, salyq tóleýden jaltarý bar", - dedi Elemesov májiliste.
Aıta keteıik, byltyr 6 qarashada Qaırat Boranbaev bostandyqqa shyqty. Al oǵan deıin naýryzda ol 8 jylǵa sottaldy. Qyrkúıekte jaza merzimi 6 jylǵa deıin qysqardy.
Sonymen qatar, "baı quda" Astananyń ortalyǵyndaǵy 4 juldyzdy qonaqúıdi, basqa da biraz múlikti memleket menshigine tapsyrdy. Al aýmaǵy bes myń sharshy metrden asatyn qonaqúı kesheniniń jyldyq aınalymy shamamen 900 mıllıon teńgeden asady eken.
