وليگارح قايرات بورانباەۆقا قارسى قىلمىستىق ٸس قر قىلمىستىق كودەكسٸنٸڭ تاعى ەكٸ بابى بويىنشا تەرگەلٸپ جاتىر. بۇل تۋرالى قارجىلىق مونيتورينگ اگەنتتٸگٸ تٶراعاسىنىڭ ورىنباسارى جەڭٸس ەلەمەسوۆ مەلٸمدەدٸ, - دەپ حابارلايدى Dalanews.kz.
"ول سوتتالعان نەگٸزگٸ قىلمىستىق ٸس بويىنشا 14, 5 ميلليارد تەڭگە كٶلەمٸندە زالال ٶتەلدٸ, بۇدان باسقا ول 120 ميلليارد تەڭگە كٶلەمٸندە زالالدى ٶتەدٸ. 120 ميلليارد تەڭگە, وعان قوسا 14,5 ميلليارد تەڭگە - 134 ميلليارد تەڭگە. ...قىلمىستىق ٸس ەلٸ توقتاتىلعان جوق, ول تەرگەلٸپ جاتىر, تاعى دا زالال ٶتەلۋٸ مٷمكٸن. ...وعان بيۋدجەت قاراجاتىنا قاتىستى كٷدٸك بار, سونداي-اق, سالىق تٶلەۋدەن جالتارۋ بار", - دەدٸ ەلەمەسوۆ مەجٸلٸستە.
ايتا كەتەيٸك, بىلتىر 6 قاراشادا قايرات بورانباەۆ بوستاندىققا شىقتى. ال وعان دەيٸن ناۋرىزدا ول 8 جىلعا سوتتالدى. قىركٷيەكتە جازا مەرزٸمٸ 6 جىلعا دەيٸن قىسقاردى.
سونىمەن قاتار, "باي قۇدا" استانانىڭ ورتالىعىنداعى 4 جۇلدىزدى قوناقٷيدٸ, باسقا دا بٸراز مٷلٸكتٸ مەملەكەت مەنشٸگٸنە تاپسىردى. ال اۋماعى بەس مىڭ شارشى مەتردەن اساتىن قوناقٷي كەشەنٸنٸڭ جىلدىق اينالىمى شامامەن 900 ميلليون تەڭگەدەن اسادى ەكەن.
