120 jyldyq tarihy bar kompaniia alǵashynda monopoliia bolyp qurylyp, qazirgi tańda memlekettiń qaramaǵyna ótken.
Búgingi kúni olar halyqaralyq dárejede eń tabysty kompaniialardyń ishinde ekinshi orynda tur. «KT&G» Qazaqstanda tek temeki ónimderin shyǵaryp qana qoimai, temekini qyzdyrýǵa arnalǵan qurylǵyny da óndiretin bolady.
Aita keteiik, «KT&G» temeki ónimderin shyǵarýda Koreiada birinshi orynda turǵan kásiporyn bolyp tabylady.
– Qazirgi kezde birneshe halyqaralyq jobalardy júzege asyrý ústindemiz. Olardyń qatarynda ortalyq Aziia elderi, Indoneziia jáne Qazaqstanda bar. Qazaqstandaǵy bul bastamanyń alar orny erek deýimizdiń basty sebebi, Qazaqstan TMD elderiniń naq ortasynda ornalasqan. Bizdiń zaýytty salýdaǵy qarqynymyz kóz ilespes jyldamdyqta bolady, sondyqtan jaqyn arada Almaty oblysynda ónim óndirýdi bastap ketemiz degen oidamyz, – dedi sheteldik óndiris qurylysynyń direktory Iang Jý Kim.
Zaýytty salýǵa jalpy quny 200 mln dollar investitsiia tartylǵan. Joba sátti bolsa, 2030 jylǵa qarai taǵy da dál osy kólemde qarjy quiý josparlanyp otyr.
– Sizderdiń aimaqta úlken jobany júzege asyrý biz úshinde mártebe. Jalpy kompaniiaǵa keler bolsaq, «KT&G» tek zaýyt salýmen ǵana ainalyspaidy. Bul kompaniia qyzmetkerlerdi arnaiy oqýdan ótkizip, eńbektiń qyr-syryna baýlyp, jergilikti turǵyndardy jumyspen qamtamasyz etedi, – dedi kompaniianyń atqarýshy vitse-prezidenti Chi Bam O.
Atalmysh kásiporynǵa Boraldai aýmaǵynan jer de qarastyrylǵan, jaqyn arada irgetasy qalanady dep kútilýde. Eń qýantarlyǵy ondaǵy qyzmetkerlerdiń 90 paiyzy jergilikti turǵyndar bolmaq. Bas-aiaǵy 200 jumys orny ashylady dep kútilýde.
Oǵan dálel, óndiris oshaǵynyń 21 jyl ishinde Latyn Amerikasyndaǵy tabysynyń 154 esege óskeni.
Kompaniia ókilderiniń sózine súiensek, bul zaýyt TMD elderinde temeki ónimin óndiretin aldyńǵy oryndaǵy kásiporyn bolmaq. Aldaǵy ýaqytta Almaty oblysynda óndirilgen ónimniń 50 paiyzyn eksportqa shyǵarý josparlanǵan.
Atalmysh zaýyttyń óńir ekonomikasyndaǵy alar orny erek ekenin oblys ákimi Marat Sultanǵaziev te tilge tiek etti.
– Almaty oblysy ekige bólinip, jańa oblys ortalyǵy Qonaev qalasyna qonys aýdarǵanyna 8 aidyń júzi boldy. Osy ýaqyt aralyǵynda biregei jobalardyń iske asýyna sheshimder qabyldadyq. Bul kún de aimaq úshin asa mańyzǵa ie. Óitkeni, ózara seriktestik qarym-qatynasty nyǵaitý úshin memorandýmǵa qol qoiamyz, – dedi óńir basshysy Marat Eleýsizuly.
Zaýyttyń jalpy atqarar qyzmeti men ereksheligine toqtalǵan qos tarap sońynda eki jaqty memorandýmǵa qol qoidy. Bas qujattyń aiasynda Almaty oblysynda taǵy bir iri zaýyt kerege jaimaq. Bul óz kezeginde óńirdiń áleýmettik-ekonomikalyq jai-kúiine oń áser eteri sózsiz.
