Qazaqstan UQK-niń eks-tóraǵasy Karım Másimovtiń qyzy Tamılla Karım men onyń burynǵy kúıeýi Azamat Kapenovtiń arasynda ortaq múlikti bólýge qatysty sot prosesi Reseıde ótip jatyr, dep habarlaıdy Dalanews.kz.
Bul azamattyq is birneshe jyldan beri jalǵasyp keledi.
Nege.kz málimetinshe, buǵan deıin taraptar balalarǵa qatysty — atap aıtqanda, qamqorlyq tártibi men olardyń turǵylyqty jeri máselelerin sheshken bolatyn. 2022 jylǵy jeltoqsanda Birikken Arab Ámirlikteriniń sheteldik musylman emester isteri jónindegi soty balalardyń ár aıdyń alǵashqy eki aptasyn anasymen, qalǵan eki aptasyn ákesimen ótkizetini týraly sheshim shyǵarǵan.
«Vyhod k morú» Telegram-arnasy taratqan derekterge sáıkes, Azamat Kapenov Reseıde quny shamamen 10 mlrd teńgege baǵalanatyn elıtaly múlikke ıelik etedi. Onyń menshiginde Rýblevkada, Kúmis ormanda jáne Máskeýde jyljymaıtyn múlik, sondaı-aq Porsche Taycan Turbo S syndy quny 190 myń eýro turatyn qymbat kólikteri bar.
