Ulttyq qaýipsizdik komitetiniń burynǵy basshysy Kárim Másimov pen onyń burynǵy orynbasarlary qazir qaida otyrǵany belgili boldy, - dep habarlaidy Dalanews.kz.
Tengrinews.kz redaktsiiasynyń resmi saýalyna kelgen jaýapta Ulttyq qaýipsizdik komiteti Sybailas jemqorlyqqa qarsy qyzmettiń qaýlysy negizinde prokýratýranyń sanktsiiasymen Kárim Másimov pen Dáýlet Erǵojin qylmystyq is boiynsha Astanadaǵy UQK tergeý izoliatorynda qamaýda otyrǵanyn habarlady. Is tergelýde.
Al qalǵan orynbasarlary, iaǵni Ánýar Sadyqulov pen Marat Osipovty ustaý oryndary týraly aqparat Ishki ister ministrliginiń quzyrynda eken.
2023 jyly 24 sáýirde Astananyń qylmystyq ister jónindegi mamandandyrylǵan aýdanaralyq soty QR Ulttyq qaýipsizdik komitetiniń eks-tóraǵasy Kárim Másimovke, Ulttyq qaýipsizdik komiteti tóraǵasynyń eks-orynbasarlary Ánýar Sadyqulov, Dáýlet Erǵojin, Marat Osipovke qatysty qylmystyq is boiynsha úkim shyǵarǵan bolatyn.
Sot isti "Asa qupiia" degen belgimen qarady. Kárim Másimov QR Qylmystyq kodeksiniń 175-babynyń 1-bóligi, 179-babynyń 3-bóligi, 362-babynyń 4-bóliginiń 3-tarmaǵy boiynsha kináli dep tanylyp, 18 jyl bas bostandyǵynan aiyryldy. Sonymen birge memlekettik qyzmette ómir boiy qyzmet ete almaidy jáne múlki tárkilenedi.
Kárim Másimov buǵan qosa, general sheni men memlekettik nagradalarynan aiyryldy.
