ۇلتتىق قاۋىپسىزدىك كوميتەتىنىڭ بۇرىنعى باسشىسى كارىم ءماسىموۆ پەن ونىڭ بۇرىنعى ورىنباسارلارى ءقازىر قايدا وتىرعانى بەلگىلى بولدى، - دەپ حابارلايدى Dalanews.kz.
Tengrinews.kz رەداكسياسىنىڭ رەسمي ساۋالىنا كەلگەن جاۋاپتا ۇلتتىق قاۋىپسىزدىك كوميتەتى سىبايلاس جەمقورلىققا قارسى قىزمەتتىڭ قاۋلىسى نەگىزىندە پروكۋراتۋرانىڭ سانكسياسىمەن كارىم ءماسىموۆ پەن داۋلەت ەرعوجين قىلمىستىق ءىس بويىنشا استاناداعى ۇقك تەرگەۋ يزولياتورىندا قاماۋدا وتىرعانىن حابارلادى. ءىس تەرگەلۋدە.
ال قالعان ورىنباسارلارى، ياعني ءانۋار سادىقۇلوۆ پەن مارات وسيپوۆتى ۇستاۋ ورىندارى تۋرالى اقپارات ىشكى ىستەر مينيسترلىگىنىڭ قۇزىرىندا ەكەن.
2023 جىلى 24 ساۋىردە استانانىڭ قىلمىستىق ىستەر جونىندەگى مامانداندىرىلعان اۋدانارالىق سوتى ق ر ۇلتتىق قاۋىپسىزدىك كوميتەتىنىڭ ەكس-توراعاسى كارىم ماسىموۆكە، ۇلتتىق قاۋىپسىزدىك كوميتەتى ءتوراعاسىنىڭ ەكس-ورىنباسارلارى ءانۋار سادىقۇلوۆ، داۋلەت ەرعوجين، مارات وسيپوۆكە قاتىستى قىلمىستىق ءىس بويىنشا ۇكىم شىعارعان بولاتىن.
سوت ءىستى "اسا قۇپيا" دەگەن بەلگىمەن قارادى. كارىم ءماسىموۆ ق ر قىلمىستىق كودەكسىنىڭ 175-بابىنىڭ 1-بولىگى، 179-بابىنىڭ 3-بولىگى، 362-بابىنىڭ 4-بولىگىنىڭ 3-تارماعى بويىنشا كىنالى دەپ تانىلىپ، 18 جىل باس بوستاندىعىنان ايىرىلدى. سونىمەن بىرگە مەملەكەتتىك قىزمەتتە ءومىر بويى قىزمەت ەتە المايدى جانە مۇلكى تاركىلەنەدى.
كارىم ءماسىموۆ بۇعان قوسا، گەنەرال شەنى مەن مەملەكەتتىك ناگرادالارىنان ايىرىلدى.
