"Kameraǵa oınaıdy". Ábilqasymova depýtattardy synap tastady

Kórkem Aldabergenova 19 aqp. 2024 10:13 2014

Eks depýtat Aqbópe Ábilqasymova májilis depýtattarynyń ózin-ózi ustaýyn synap tastady, - dep habarlaıdy Dalanews.kz.

"Májilis otyrysynan birneshe vıdeo kórdim. Jańa Qazaqstannan da, eski Qazaqstannan qalǵan depýtattar da emosıonaldy túrde sóılep otyrady. Mysaly jaqynda mınıstrlerdiń Qala qurylysy kodeksine qatysty jáne zań jobasy boıynsha usynystaryn aıtyp, esep bergen mınıstrlerdiń vıdeosyn kórdim. Sol jerdegi komısıanyń keńeıtilgen otyrysynda tóraǵa bolyp otyrǵan Májilis depýtaty Mels Eleýsizovtiń sózin óte dóreki bólip jiberdi", - deıdi Ábilqasymova.

Ol depýtattar etıka kodeksine mán berýi keregin, al otyrysta bolǵan nárse naǵyz dórekilik ekenin aıtady.

"Depýtattar zań shyǵarýshy tarmaqtyń ókilderi ekenin, al mınıstrler – atqarýshy bıliktiń ókilderi ekenin eskergen jón. Bıliktiń eki ókiliniń de quqyǵy teń. Birneshe merzim boıy depýtat bolyp otyrǵan depýtattarǵa qaraǵanda kóp mınıstrdiń quzyreti joǵary. Depýtattar mınıstrlerdi halyq jaýy sekildi kórsetkisi keletindeı nemese jumys istep jatqanyn kórsetip, kameraǵa oınatatyndaı kórinedi. Nege "jumys istep jatqandaı"? Sebebi shyn máninde aıǵaılap, ursysyp alyp, artynan sol mınıstrlerdi QOLDAP daýys beredi. Onyń ústine halyqty bılikke de, ózderine de qarsy qoıyp qoıady. Menińshe, árkim qaı qyzmette otyrsa, ózin sol qyzmetke saı ustaýy kerek, emosıany sypaıy túrde de jetkizýge bolady. Halyqqa qandaı úlgi kórsetip jatyrsyzdar? Dórekilik tanytý durys nárse me? Erteń halyqpen kezdeskende olardan da sondaı baılanys baıqaýlaryńyz múmkin. Sebebi sondaı úlgi kórsetken ózderińiz", - deıdi eks depýtat.

Ábilqasymova etıkalyq kodeksti is júzinde qoldaný keregin atap ótti.

"Mınıstrler men ákimder jýrnalısiń jumysyna kedergi jasap, súıisip ketedi, depýtattar mınıstrlerge ashyq túrde dórekilik tanytady, adamdardy kúldiretindeı sırkke jumys isteýge kelgen joqsyzdar ǵoı. Birneshe ret jaýapqa tartý kerek, sol kezde bári túsinedi", - deıdi Aqbópe Ábilqasymova.

 


Usynylǵan
Sońǵy jańalyqtar