Kámelettik jasqa tolmaǵandardyń máseleleri talqylandy
Jiynǵa oblys ákiminiń orynbasary Ulasbek Sádibekov, oblystyq basqarma basshylary men qyzmetkerleri, oblystyq prokýratýrasynyń basshylyǵy, oblystyq ishki ister departamentiniń orynbasary, jergilikti politsiia qyzmetiniń iývenaldy politsiia bólimi, sondai-aq, aýdan, qala ákimderiniń orynbasarlary selektorlyq rejimde qatysty.
Májiliste jalpy kámelettik jasqa tolmaǵandardyń ózekti máseleleri men olardyń sheshý joldary qarastyrylyp, talqylandy. Jiyndy oblys ákiminiń orynbasary U.Sádibekov ashyp, júrgizip otyrdy. Ol óz sózinde S.Muhanbedianqyzynyń arnaiy Saryaǵash aýdanyna baryp, aýdan ákiminen bastap birqatar memlekettik organdardyń basshylarymen jinalys ótkizgenin tilge tiek etip, oblystaǵy bala quqyǵyn qorǵaý baǵytyndaǵy jumystarǵa toqtaldy.
Qazirgi tańda qoǵam aldynda turǵan basty mindetterdiń biri – balalar men jasóspirimder arasyndaǵy quqyqbuzýshylyqtyń aldyn-alý, kámeletke tolmaǵandar arasyndaǵy qylmystyń ósýine jol bermeý. Kún tártibindegi másele boiynsha oblystyq otbasy, balalar jáne jastar isteri jónindegi basqarmasynyń basshysy B. Narbekova, oblystyq IID jergilikti politsiia qyzmetiniń bastyǵy Á.Seidýaliev, oblystyq bilim basqarmasynyń basshysy I. Saǵyndyqov baiandama jasady.
Májilis sońynda Sáýle Aitpaeva bala quqyǵyn qorǵaý máselesi árdaiym nazarda bolý kerektigin aityp, bala quqyǵyn qorǵaýǵa tikelei qatysty mekeme basshylaryna óz mindetterine jaýapkershilikpen qaraýdy tapsyrdy.
