جيىنعا وبلىس اكىمىنىڭ ورىنباسارى ۇلاسبەك سادىبەكوۆ، وبلىستىق باسقارما باسشىلارى مەن قىزمەتكەرلەرى، وبلىستىق پروكۋراتۋراسىنىڭ باسشىلىعى، وبلىستىق ىشكى ىستەر دەپارتامەنتىنىڭ ورىنباسارى، جەرگىلىكتى پوليسيا قىزمەتىنىڭ يۋۆەنالدى پوليسيا ءبولىمى، سونداي-اق، اۋدان، قالا اكىمدەرىنىڭ ورىنباسارلارى سەلەكتورلىق رەجيمدە قاتىستى.
ماجىلىستە جالپى كامەلەتتىك جاسقا تولماعانداردىڭ وزەكتى ماسەلەلەرى مەن ولاردىڭ شەشۋ جولدارى قاراستىرىلىپ، تالقىلاندى. جيىندى وبلىس اكىمىنىڭ ورىنباسارى ۇ.سادىبەكوۆ اشىپ، جۇرگىزىپ وتىردى. ول ءوز سوزىندە س.مۇحانبەديان قىزىنىڭ ارنايى سارىاعاش اۋدانىنا بارىپ، اۋدان اكىمىنەن باستاپ ءبىرقاتار مەملەكەتتىك ورگانداردىڭ باسشىلارىمەن جينالىس وتكىزگەنىن تىلگە تيەك ەتىپ، وبلىستاعى بالا قۇقىعىن قورعاۋ باعىتىنداعى جۇمىستارعا توقتالدى.
قازىرگى تاڭدا قوعام الدىندا تۇرعان باستى مىندەتتەردىڭ ءبىرى – بالالار مەن جاسوسپىرىمدەر اراسىنداعى قۇقىقبۇزۋشىلىقتىڭ الدىن-الۋ، كامەلەتكە تولماعاندار اراسىنداعى قىلمىستىڭ وسۋىنە جول بەرمەۋ. كۇن تارتىبىندەگى ماسەلە بويىنشا وبلىستىق وتباسى، بالالار جانە جاستار ىستەرى جونىندەگى باسقارماسىنىڭ باسشىسى ب. ناربەكوۆا، وبلىستىق ءىىد جەرگىلىكتى پوليسيا قىزمەتىنىڭ باستىعى ءا.سەيدۋالييەۆ، وبلىستىق ءبىلىم باسقارماسىنىڭ باسشىسى ي. ساعىندىقوۆ بايانداما جاسادى.
ءماجىلىس سوڭىندا ساۋلە ايتپايەۆا بالا قۇقىعىن قورعاۋ ماسەلەسى ءاردايىم نازاردا بولۋ كەرەكتىگىن ايتىپ، بالا قۇقىعىن قورعاۋعا تىكەلەي قاتىستى مەكەمە باسشىلارىنا ءوز مىندەتتەرىنە جاۋاپكەرشىلىكپەن قاراۋدى تاپسىردى.
